Upasalmi 83:18 - ICIGHAN BIBILO

¹⁸ sha er ve̱ fa er We, u i yer iti You er TER la, i lu We tseegh U lu Uhembansha sha tar cii yô. Ngun ka sha ci u orhemen u mbawanatsam; i ver un sha Gititi. Ka Pasalmi u ônov mba Kora

Upasalmi 83:18 Iomraidhean Croise

Genese 22:14

Aberaham maa ii ijiir la iti er Yehova-yire (TER Una na kwagh u a gbe yô); ka nahan man zan zan nyian i kaan er: Sha uwo u TER yô, á na kwagh u a gbe yô.

1 Utor 18:37

Ungwam, TERE, ungwam, sha u ior mban ve̱ fa, er We TER, U lu Aôndo je, man U gema ve asema hen a We kpaa ye.

2 Utor 19:19

Yô, TERE, Aôndo wase, shi yima se sha ikev na, sha er ityartor i sha won cii i̱ fa er We TER U lu Aôndo, We tseegh yô.

Upasalmi 18:13

TER dura Sha, Uhembansha kende a imo Na sha— lu ura u awomboogh man akausu.

Upasalmi 35:4

Mba ve keren mo a ku yô, ve̱ va ahenge, i̱ hee ve; man mba ve henen kwagh u bo sha a mo yô, i̱ hile a ve ijime, kunya u̱ kôr ve.

Upasalmi 59:13

Tim ve sha iyugh, tim ve ve̱ saa sha won kera, ve̱ fa er Aôndo A tem tor sha ya u Yakob, zan zan i za ar hen akighir a tar je yô. Sela.

Upasalmi 9:16

TER gema pase iyol Na: A ôr ijir ve! Ka sha tom u ave na iyol na la, i ker iferor ye. Higayon. Sela.

Upasalmi 9:2

Me ember, me ember tsung ken a We, me wa icam i civir iti You, We Uhembansha,

Upasalmi 92:8

Kpa We yô, TERE, U ngu sha, gbem sha won.

Upasalmi 97:9

Gadia We, U ngu Uhembansha sha tar cii, TERE! I kende U sha, kar mbaaôndo mbagenev ca je!

Ekesodu 6:3

M ande hen Aberaham man Isaka man Yakob, Mo Aôndo Uhembanagee, kpa iti Yam i TER (ka Yehova je la) ne yô, ve fa ga.

Yesaia 42:8

Ka Mo TER, ka iti Yam je ne; icivir Yam kpaa Me na orgen ga, iwuese Yam Me na ieev mbi gban a gba la ga.

Yesaia 5:16

kpa TER u akum a Sha yô, á kende Un sha sha ijirôron i mimi, man Aôndo u wang tsegha iyol Na sha perapera.

Yesaia 54:5

Gadia u A gbe u la, ka nomu je la, iti Na er, TER u akum a Sha je; man Icighan u Iserael ka Orpaan wou; á yila Un er Aôndo u sha won cii.

Yeremia 16:21

Ka sha ci u nahan, nenge, Me na, vea fa, hen shighe ne je, vea fa uwegh Agh kua tahav Av; man shi vea fa er iti Yam i lu TER je yô.

Esekiel 30:19

Kape Me ôr Igipiti ijir Me tsaha un la, nahan man vea fa er Mo M lu TER ye.

Esekiel 38:23

Nahan Me tese mhembe Wam man mtsegh wam, Me pase iyol Yam ken igbar sha ashe a akuraior kpishi; nahan man vea fa er Mo M lu TER ye.

Daniel 4:25

á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 4:32

Á zenda u hen ior kera, ijiir you i teman la ia lu a inyamtoho imôngo; á na u ú ya toho er ibua nahan, ashighe aa kar u ataankarahar; zan zan ú fa er Uhembansha a lu a tahav sha tartor u ior yô, ka A gema u A na hanma or u i doo Un u nan nan yô.

Mika 4:13

Mough sha, shoghol iyiav, we wankwase u Shion; gadia Me gema korough ough kua hingir iyôgh man apande a ou kpaa aa hingir togula; wea hembe ior kpishi avur avur, wea tsegha mtsera ve sha ci u TER man inyaregh vegh kpaa kia lu sha ci u TER u sha won cii.

Sekaria 4:14

Nahan a kaa er: Mban ka mba uhar mba i shigh ve mkurem, mba ve til sha ishigh ki Ter u taregh cii yô.