Upasalmi 82:5 - ICIGHAN BIBILO

⁵ Ve fa kwagh ga, mkav tsô kpaa, ve kav ga, mba zenden wue wue ken ime je; amagh a tar cii tenger.

Upasalmi 82:5 Iomraidhean Croise

Yobu 8:9

Gadia se, se mba mbanyenev tsô, se fa ma kwagh ga; gayô, ayange ase a shin tar ne nga er mure nahan tsô.

Upasalmi 11:3

Aluer amagh aa yôhôl yô, orperapera nana er nana?

Upasalmi 14:4

Mbaerenafer cii, mba a kwaghfan je gaa? mba ve ye ior Av er ka ruam ve ye yôô? Mba yer sha iti i TER kpaa ga.

Upasalmi 53:4

Mbaerenafer cii, mba a kwaghfan je gaa? mba ve ye ior Av er ka ruam ve ye yô? Mba yer sha iti i Aôndo kpaa ga.

Upasalmi 75:3

Shin er tar kua mba ve lu sha u cii, vea kpegher kpaa, ka Mo M tim u mtôm ye. Sela.

Upasalmi 99:1

TER tema tor, ior ve̱ gbidye akarkase iyol! A tema tor, ngu sha ucerubi; tar u̱ tenger.

Anzaakaa 1:29

Gadia ve venda mfe, mcie u cian TER kpaa, ve tsuwa ga,

Anzaakaa 2:13

mba ka ve undu igbenda i perapera, sha u zenden ken akaa a imegh la;

Anzaakaa 4:19

Gbenda u mbaaferev yô, ngu er ime nahan, mba fe kwagh u vea kema nguhar sha mi ga.

Orpasenkwagh 2:14

Orfankwagh ngu a ashe sha ityough ki nan, ibumeor yô, nan zenden ken ime; nahan kpaa, m kav kwagh u tseren ve ngu di inja i môm tsô.

Orpasenkwagh 3:16

Shi m nenge shin tar, hen ape ôron ijir la, nenge, ifer lu her; man hen ijiir i perapera kpaa, ifer shi lu her.

Yesaia 5:7

Gayô, sule u wain u TER u akum a Sha ne, ka ya u Iserael je, ior mba Yuda kpaa ka mende u sha ishima Na je; A ver ishima sha ijirôron i mimi, kpa nenge, gema ka awambe a haan inya, man shi sha perapera, kpa nenge gema ka mliam.

Yesaia 59:9

Ka nahan man ijirôron sha mimi i gbe ca a vese, perapera kpaa a ar sha a vese ga ye, se mba keghen iwanger, kpa ime gema ngi, se mba keghen mmondo u iwanger kpa se mba geman zenden ken angôghime.

Mika 3:1

Shi m kaa mer: Shi ungwa nen, ne mbahemenev mba Yakob, man mbatarev mba hen ya u Iserael kpaa! Kera ka u ne̱ fa ijirôron i mimi gaa?—

YOHANE 12:35

Yesu gema kaa a ve er: Iwanger hira ngi her a ven anyangem kpeghee; zende nen er ne lu a iwanger her ne, sha u ime i̱ de kohol ne ga yô. U nan zenden ken ime yô, nan fe hen ape nan ze ga.

YOHANE 3:19

Man ngin ka ijirôron ne: iwanger va nyôr shin tar man ime gema hemba doon ior a iwanger, gadia aeren a ve lu a bo je.

Mbaromanu 1:28

Er i kera doo ve u rumun Aôndo ga yô, Aôndo gbihi ve ken mhen u a lu u injaagh ga yô, man u eren akaa a lun sha mi ga kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:19

Kpa imagh ki Aôndo ki ki tenger ga la yô, ki tile her, ki a ikav ne: Ter fa mba Nav, man shi, hanma or u nan teren iti i Ter yô, nana̱ pav a ifer.

1 Yohane 2:11

U nan ker anmgbian u nan ihom yô, nan ngu ken ime shi nan zenden ken ime kpaa, nan fa henpe nan ze kpaa ga, gadia ime pir nan ashe.