Upasalmi 81:14 - ICIGHAN BIBILO

¹⁴ Nahan yô, ma M hembe mbaihomov vev fefa je, ma M gem uwegh Agh ma ku hendan a mbaahendanev vev.

Upasalmi 81:14 Iomraidhean Croise

Upasalmi 47:3

A gema ior, ve hingir sha ikev yase; akuraior kpaa hingir se kwagh u tan angahar mi.

Yesaia 48:18

Ma u ver ato sha atindi Am, tsô bem wou ma a lu er ifi nahan, man shi perapera wou kpaa ma a lu er agôndo a zegemnger nahan,

Amoshi 1:8

Me tim mba ve tem ken Ashedodi kua wen u a lu a tôgh ku torough ken Ashekelon kpaa; Me naregh uwegh Agh sha Ekeron, man asande a Mbafiliti a a shi her la aa tim kera, kape Ter AÔNDO A kaa la.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Numeri 14:45

Tsô Mbaamaleki man Mbakanaan mba ve tema sha iwo la, sen, va ta num sha a ve, hemba ve, zenda ve zan zan za ar hen Horma.

Numeri 14:9

Ka mhendan tsô, de hendan nen a TER ga ye, de cie nen ior i tar la kpaa ga; gadia ve ka kwaghyan wase je; mure ve kar sha ve kera. TER ngu a vese; de cie nen ve ga.

Duteronomi 10:12

Hegen yô, Iserael, ka nyi TER, Aôndo wou, A keren her a we, saa di u cian TER, Aôndo wou, tsô, man u zenden sha igbenda Na cii, man A̱ doo u ishima, man u̱ eren TER, Aôndo wou, tom a ishima you cii, man a uma wou cii,

Yosua 23:13

fa nen mimi je, TER, Aôndo wen, Una kera zenda akuraior ne sha ishigh yenegh kera ga, kpaa aa hingir ne kwaghhônon man to man kwagh u kuman ne hen ambusu man usaa ken ashe a en, zan zan né tim ken tar u dedoo kera, u TER, Aôndo wen, A ne ne u ne.