Upasalmi 80:2 - ICIGHAN BIBILO

² Kpoghol agee Ou sha ishigh ki Eferaim man Benyamin kua Manase; va, va yima se.

Upasalmi 80:2 Iomraidhean Croise

1 Utor 8:6

Nahan upristi va nyôr a areki u ikuryan u TER la, ve va ver un hen ijir na ken kpar u iyou kimi ken icighankpar u hemban cii la, shin atô u akper a ucerubi.

2 Utor 19:15

Tsô Hesekia sôn TER, kaa er: TER, Aôndo u Iserael, We u U tem sha ucerubi, ka We tseegh U lu Aôndo u ityartor i sha won cii ye; ka We je, U gbe Sha man tar ye.

Upasalmi 35:23

Kpoghol iyol, nder sha u nan mo ishô sha kwagh wam, Aôndo wam, man Terem.

Upasalmi 50:2

Ken Shion u a lu mdooashe u ganden la, Aôndo mondo er iwanger nahan.

Upasalmi 78:38

Kpa Un yô, er mhôônom kôr Un yô, A de ve ifer ve, A tim ve ga; een, acin imôngo je A de ishima Na i vihin, A kera kpoghol iyugh Na cii ga.

Upasalmi 99:1

TER tema tor, ior ve̱ gbidye akarkase iyol! A tema tor, ngu sha ucerubi; tar u̱ tenger.

Ekesodu 25:22

Me kohol we ker, Me ôr kwagh a we hen ijiir i nan iwom her la, hen atô u ucerubi uhar, mba ve lu sha areki u shiada la, Me kaa u akaa cii a Me kaa Mer Mbaiserael ve̱ er a la.

Yesaia 25:9

Tsô sha iyange la, á kaa er: Nenge, ngun ka Aôndo wase u se lu veren ashe Na ser, A̱ va yima se je ne; ka TER je u se lu veren ashe Na; sé lu nen saan saan, sé ember nen myom Na.

Yesaia 33:22

Gadia TER ka Orjir wase, TER ka Orwan se atindi, TER ka Tor wase; ka Un je Una yima se ye.

1 Samuel 4:4

Tsô ior tindi loho hen Shilo, i za va a areki u ikuryan u TER u akum a Sha u A tem hen atô u ucerubi la; ônov mba Eli mba uhar mbala, Hofeni man Pinehashi, ve lu a areki u ikuryan i Aôndo.