Upasalmi 79:9 - ICIGHAN BIBILO

⁹ Wase se, Aôndo u myem wase, sha ci u icivir i iti You; yima se, ese se asorabo ase kera sha ci u iti You.

Upasalmi 79:9 Iomraidhean Croise

2 Kroniku 14:11

Tsô Asa genger imo yila TER, Aôndo na, a kaa er: TERE, ma orwasen u nana nyôr hen atô u or u ageegh vea isheeror nan ngu ga, saa We; wase se TERE, Aôndo wase, gadia se mba suur sha a We, man ka ken iti You kpaa se ve ityav hen ikpelaior ne ye. TERE, ka We U lu Aôndo wase ye; or a̱ de hembe ga, saa We tseegh.

Upasalmi 115:1

Ka se ga, ka se ga, TERE, kpa ka iti You á na i icivir, sha ci u erdoo Wou man mimi Wou ye.

Upasalmi 25:11

Sha ci u iti You yô, TERE, dem iferkwagh yam, gadia i vese.

Upasalmi 31:3

Gadia ka We, U lu barwo wam, man garutya wam kpaa ye; nahan yô, hemen mo man tesem gbenda sha ci u iti You.

Upasalmi 65:3

Aferakaa hembam agee, akaabo ase yô, ka We U ese a kera ye.

Yesaia 43:25

Ka Mo je M ese atindi a ou a peren kera sha ci Wam iyol Yam; Me kera umbur asorabo a ou kpaa ga.

Yesaia 48:9

Sha ci u iti Yam yô, Me ngôôr a iyugh Yam, sha ci u iwuese Yam yô, Me wa ishima a we, Me tim u ga.

Yeremia 14:21

De te se kera ga, sha ci u iti You; man shi de heen ikônough ki torough You ki icivirigh ga; shi umbur, de saghen ikuryan You a vese ga.

Yeremia 14:7

Shin er aferakaa ase a lu pasen se nan se ibo, nahan kpaa, er kwagh sha ci u iti You TERE, gadia mbamhirjime asev ngee; ka We se er U kwaghbo ye.

Esekiel 20:14

Kpa M er kwagh ne sha ci u icivir i iti Yam sha u i̱ de kera hôngor a i sha ashe a akuraior, a a lu nengen zum u M due a ve la, ga.

Esekiel 20:44

Nea fa er Mo M lu TER, zum u M er a ven nahan sha ci u iti Yam yô, Me kera er a ven sha igbenda yen i ifer la ga, man sha aeren a en a dang la kpaa ga, we ya u Iserael, kape Ter AÔNDO A kaa ne.

Esekiel 20:9

Kpa M er kwagh sha ci u icivir i iti Yam, sha u i̱ de kera hôngor a i sha ashe a a akuraior, henpe ve tem la, ga; ka sha ashe a M pase iyol Yam her a ve, er M due a ve ken tar u Igipiti la.

Daniel 9:19

Tere, ungwa! Tere, de se asorabo! Tere, ver ato! Er sha mi; de ngôôr ga, sha ci Wou, We, Aôndo wam; gadia mba yilan gar Wou man ior Ou sha iti You.

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;

Malaki 2:2

Aluer né ver ato ga, man né ver ishima sha mi sha u né na iti Yam icivir ga yô, kape TER u akum a Sha A kaa ne, nahan Me haa ne ifan, Me wa iveren yen kpaa ifan; een, M vande wan i ifan kera kpaa, sha ci u ne ver ishima ga yô.

Mbaefese 1:6

ka sha ci u iwuese i á wuese iengem i mrumun Na u sha mhôôn u A rumun se ken Udoonshima la.

Yosua 7:9

Gadia Mbakanaan man mba ve tem ken tar ne cii vea ungwa gwa yô, vea va kase se, vea ese iti yase sha won kera; tsô Ú er nan a Iti You i hembana?