Upasalmi 78:12 - ICIGHAN BIBILO

¹² A er akaacieryol sha ashe a uter vev, ken tar u Igipiti ken toho u Soan.

Upasalmi 78:12 Iomraidhean Croise

Genese 32:3

Yakob tindi mbazan a loho er ve̱ hemen ve̱ vande za nyôron hen anngô na Isou ken tar u Seir, ipaventar u Edom la.

2 Utor 17:7

Gadia Mbaiserael er TER, Aôndo ve, kwaghbo, u A due a ve ken tar u Igipiti sha ikev i Farao tor u Igipiti la, ve civir mbaaôndo mbagenev,

Nehemia 9:10

man U tese uivande man akaa a kpilighyol sha Farao man mbayev nav cii, kua ior mba hen tar na cii; gadia U fa, ve manger sha uter asev; nahan U due iti, er i lu nyian nahan.

Upasalmi 106:22

ityom i cieryol ken tar u Ham, man akaacieryol hen Zegemnger u Nyian.

Upasalmi 135:9

A tindi uivande man akaakpilighyol ken atô wou, we Igipiti, sha Farao kua sha mbayev nav cii.

Ekesodu 7:1

Tsô TER kaa a Mose er: Nenge, M ver u, lu Farao er Aôndo nahan; anngôu Aron a̱ gema a̱ lu profeti wou.

Yesaia 19:11

Atiator a Soan ka ior mba lanen kwagh dedoo je; mhen u mbahenen kwagh a Farao mba ve hembe fan la, hingir ibumegh dang. Hii nan man ne kaan a Farao ner: Mo m ngu wan u mbafankwagh, wan u utor mba tsuaa je, nahana?

Yesaia 19:13

Atiator a Soan hingir abumeaior, utor mba Nofi kpaa i tsugh ve; ve mba ve lu iwen sha zongo i uipaven nav, la, ve na Igipiti tsume.

Esekiel 30:14

Me gema Pateroshi kpaa una hingir ice, Me haa usu ken Soan, man Me ôr No ijir, Me tsaha un.

Numeri 13:22

Ve kôndo sha Imbusutariyan la, ve va nyôr sha Heberon; Ahiman man Sesai man Talmai, ônov mba Anaki lu ker. Er i maa Heberon yô, anyom kar ataankarahar man i mase maan Soan ken Igipiti ye.

Duteronomi 4:34

Ma aôndo nôngo u za tôôn ikurior sha ci na ker atô u ikurior igen sha ikaren man sha uivande man akaakpilighyol man sha utya man sha uwegh ku ageegh man uwegh ku naregh man sha akaacieryol, er TER, Aôndo wen, lu er sha ci wen ken tar u Igipiti sha ashe a en la, mayange je kpa?

Duteronomi 6:22

TER er uivande man akaakpilighyol a vesen man a vihin ken Igipiti, sha Farao kua sha ya na cii sha ashe ase je.

Yosua 9:9

Ve kaa a na er: Ka ken tar ugen u caa tsung je, ikpan you i za ve sha ci u iti i TER, Aôndo wou, ye, gadia se ungwa gwa u icivir Na, man akaa a A er ken tar u Igipiti la cii,