Upasalmi 74:9 - ICIGHAN BIBILO

⁹ Se nenge a akav a ase ga; profeti kpaa kera ngu ga; man ken a vese kpaa ma or fa er i shi ga.

Upasalmi 74:9 Iomraidhean Croise

Ekesodu 12:13

Awambe la, a̱ lu ne ikav sha uya mba ne lu ker la; zum u Me nenge awambe la yô, Me aver ne, Me kar; nahan kwagh u bo u timin ne, una kera tser ne ga, zum u Me tsahan tar u Igipiti la.

Ukwelegh 2:9

Ihinda na sen mire shin inya; A vihi uishindan nav, A kever ve kera. Tor na man atiator a na mba ken akuraior ape i tesen atindi ga la; uprofeti nav kpaa zua a mpase u sha mnenge hen TER ga.

Esekiel 20:12

Man shi M na ve ayange a memen a Am sha u a̱ lu ikav her atô Wam a ve, sha u ve̱ fa er Mo TER M tsegh ve yô.

Esekiel 7:26

Kwaghbo una dondo sha kwaghbo, man ahura di sha ahura; vea ker mpase u sha mnenge hen profeti; ityesen ia saa ishe hen pristi, man mhen di kpaa hen mbatamen.

Amoshi 8:11

Nenge, ayange nga van, kape Ter AÔNDO A kaa ne, a Me tindi ijen shin tar, kpa á lu ijen i kwaghyan shin imura i mnger ga, kpa á lu sha u ungwan kwaghôron u TER.

Mika 3:6

Nahan yô, á hingir tugh her a ven, né kera lu a mpase ga, á hingir ime her a ven, né kera tsengafan kwagh ga; iyange ia mire uprofeti, sev kpaa mbua hingir ve ime.

Mika 3:7

Mbanengen mbampase vea va ahenge, man mbatsenganôron akaa kpaa, kunya á kôr ve; vea cir mbaakuzwa vev, gadia mrumun kera va sha Aôndo ga.

Mbaheberu 2:4

Aôndo kpaa lu eren shiada a ve imôngo sha uivande man sha akaa a kpilighyol man akaa a ageegh atô kposo kposo man shi sha ikwar i karen i Icighan Jijingi sha ishima Na kpaa.

Mbaajiriv 6:17

Nahan a kaa a Na er: Aluer a doo U a mo yô, tesem ikav, m̱ fa er i lu We U er kwagh a mo yô.

1 Samuel 3:1

Samuel wanakiriki la lu eren TER tom sha ishigh ki Eli. Kwaghôron u TER za ihen hen ayange la; mpase u nengen a min sha ashe kpaa ban.