Upasalmi 74:7 - ICIGHAN BIBILO

⁷ Ve nande icighanjiir Wou sha usu; ve hôngor a ijiir i iti You i tem ker la, je ve yôhôl i ve haa inya.

Upasalmi 74:7 Iomraidhean Croise

1 Utor 8:20

TER kpaa A er vough sha kwaghôron Na u A ôr la, gadia mo m va tile sha ityough ki terem Davidi, man m tema sha ikônough ki torough ki Iserael, er TER lu tôndo zwa yô, man m maa iyou la sha ci u iti i TER, Aôndo u Iserael.

2 Utor 25:9

A va nande iyou i TER man iyou i tor kua ayou a ken Yerusalem; hanma iyou i vesen a nande i sha usu.

2 Kroniku 36:19

Tsô ve nande iyou i Aôndo sha usu, ve yôhôl gilgar u Yerusalem, ve nande ayou a tor a ker cii sha usu, ikav mbi doon cii, ve vihi mbi kera.

Upasalmi 89:39

U bunde ikuryan a wanakiriki Wou, U hôngor a idyer na i tor la, U gbihi hen inya;

Ekesodu 20:24

Tam atse a inyaagh; ka sha a, ú naan iniav mbi nanden man iniav mbi bem, iyôngo you kua abua ou ye; sha hanma ijiir i M ver Mer, i̱ umbur iti Yam ker yô, Me va kohol we her, Me ver u doo doo.

Yesaia 64:11

Icighanyou wase u icivirigh, henpe uter asev wuese We la, usu hia un kera; ajiir a doon se la cii, i yôhôl a kera.

Yeremia 52:13

a nande iyou i TER, man iyou i tor man ayou a ken Yerusalem cii, hanma iyou i vesen, a nande i sha usu.

Ukwelegh 2:2

TER vihi ajiir a teman a Yakob la cii, A zungwe mhôônom ga; sha iyugh Na la, A yôhôl ayouautya a taver a wankwase u Yuda la kera, A haa a inya; A vihi tartor man mbatarev mba u kpaa.

Ukwelegh 2:6

A vihi tenti Na kera, er ka igyar i sule nahan; A hembe ijiir i mkohol Na la; TER na, i hungul mkohol u iniongo man iyange i memen ken Shion kera. Sha mvihi u iyugh Na la A laha tor kua pristi.

Esekiel 24:21

Kaa ya u Iserael, Ter AÔNDO ngu kaan nahan er: Nenge, Me hôngor icighanjiir Wam, ihagh i tahav enev, isharen i ashe a en, kwagh u i doo uma wen a na la; ônov enev mba nomso man mba kasev mba ne undu, á wua ve sha sanker.

Esekiel 7:24

Ka nahan man Me va a akuraior a hemban iferkwagh cii, a a ngohol uya vev ye; Me er ihagh i tan i mbaageev ia bee sha won; man á hôngor a ajiir a ve a tseghan la.

Levitiku 26:31

Me gema agar a en á hingir atse, Me vihi uicighanmbaajiiriv enev kera; Me ungwa ihuma i kwaghhumandoon wen la ga.

Mateu 22:7

Nahan tor la yuwe, a tindi akumautya na a za tim mbawuanior mbala, a nande gar ve.

Duteronomi 12:5

Kpa ijiir i TER, Aôndo wen, Una tsuwa ken ikwe yen cii, sha u Una ver iti Na ker, er i̱ lu ijiir Na i teman yô, ker nen i, vaan nen her;