16 Sev ka mbu Ou je, tugh kpaa ka mbu Ou; ka We je, U ver akaa a nan iwanger sha, kua iyange kpaa ye.
A ver uwer sha ci u ashighe; iyange kpaa fa shighe u i u milen.
Ka U er ime i wa i hingir tugh, shighe u inyamtoho cii ka i due.
Er m veren ishima sha akaa a sha aôndo a a lu tôm u ahôaveegh Ou, ka uwer man asan a U ver a yô,
M ver iwanger, man shi M gba ime; M va a kwaghdoon man kwaghvihin kpaa, ka Mo TER M er akaa ne cii ye.
TER ngu kaan nahan er: Aluer M ya ikur a tugh man a tetan, M ver aeren a sha atindi atindi a Sha man a shin tar ga yô,
sha er né lu ônov mba Ter wen u A lu Sha yô, gadia ka A er iyange Na i̱ due i̱ ta sha mbaaferev kua mbamimi kpaa, man ka A nôô ura sha mbaperapera man mba ve lu mba perapera ga kpaa.