Upasalmi 73:9 - ICIGHAN BIBILO

⁹ Zwa ve ngu hendan a Usha, nombor ve yô, ngu gem ngu zenden shin inya.

Upasalmi 73:9 Iomraidhean Croise

2 Kroniku 32:15

Yô, de rumun nen Hesekia a̱ tsughun ne, a̱ tsumen a ven nahan ga, man shi de kera ne nen un jighjigh kpaa ga, gadia ma aôndo môm môm u hanma ikur shin tartor fatyô u yiman ior nav sha ikev yam kua sha i uter av kpaa ga, man hire Aôndo wen Una yima ne sha ikev yam yee?

Yobu 21:14

Nahan kpaa, ve kaa a Aôndo er: Kar hen a vese kera, gadia sar se u fan igbenda You ga.

Upasalmi 52:4

Akaaôron a timin doo u ishima, we, nombor u ôron kwagh u icughugh ne.

Ekesodu 5:2

Kpa Farao kaa er: Ka an nan lu TER je, u me ungwa imo Na me de Iserael una yemee? M fa TER ga, man den yam Iserael mer, a̱ yem je ga.

Daniel 3:15

Hegen yô, aluer né wa ago iyol sha shighe u né ungwa imo i kor man imar man molo man gbange man adiguve man ikpaimar man hanma inja i ityougholough cii yô, man né gure inya, né sugh eev mbu m er la yô, doo; kpaa aluer né sugh mbu ga yô, á gbihi ne ken atô u atse a usu u yeghen ker la, hen shighe la je: ka hanma aôndo je una yima ne sha ikev yama?

Daniel 7:25

Una ôr akaavihin sha Uhembansha, una er uicighanmbaiorov mba Uhembansha ican; una ver ishima u geman ashighe man atindi, man á na ve sha ikev na zan zan shighe môm man ashighe man vegher u shighe.

Luka 18:4

A zer vendan, kpa ken masetyô yô, a kaa ken ishima na er: Shin er m cie Aôndo ga, or kpaa m we iko ga,

Yakobu 3:6

Nombor kpaa ka usu je, ka ifer i sha won cii. I ver nombor ken alegh a ase, ngu gem ngu hôngor iyol cii, ka u keer usu sha uma wase jimin cii, man u yô, ka shin gehena i tsar u u ker usu ye.

Mpase U Yohane 13:6

Tsô i bugh zwa u i, i gba tuhwan Aôndo, shi i tuhwa iti Na kpaa man shi tabernakel Na kpaa, ka mba ve tem Sha je la.