Upasalmi 73:23 - ICIGHAN BIBILO

²³ Nahan kpaa m ngu a We gbem, U kôrom sha uwegh agh ku yanegh.

Upasalmi 73:23 Iomraidhean Croise

Genese 17:1

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

Upasalmi 139:18

Aluer mea er iyenge ve kpaa, ma ve hembe waarawa. Er m nder yô, m shi m ngu a We imôngo heregh.

Upasalmi 16:8

M ver TER sha ishigh yagh gbem; er A lum ken uwegh ku yanegh yô, me tenger ga.

Upasalmi 23:4

Shin mea karen ken pev u mure u kuugh kpaa, me cia kwagh u bo ga, sha ci u We U lu a mo yô; aga Wou man gbough Ough ka ve surun mo ishima.

Upasalmi 37:17

Gadia akaseaveegh a mbaaferev aa sombo, kpa TER yô, ka A tuur mbaperapera;

Upasalmi 37:24

shin nana gba kpaa, nana gbidye inya ga, gadia TER kôr nan sha uwe.

Upasalmi 63:8

Uma wam var a We ityô; uwegh Ough ku yanegh ku suwem.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 41:13

Gadia Mo, TER, Aôndo wou, M kôr uwegh ough ku yanegh; M kaa a we Mer: De cie ga, M wasen we.

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Mbaheberu 13:5

Inyaregh ki saren ki̱ de luun ken uma wen ga. Kwagh u ne lu a mi yô, a̱ kuma ne, gadia A kaa er: Mayange Me undu u ga, Me kende u kpaa ga.