13 Mimi je, m gbe wanger ishima yam, man m nyian ishô iyol gbilin tsô.
Uhembanagee la ngu nyi je, u sé civir Unu? Man ka nyi mtsera sé zua a mi aluer se sônon Un yôô?
Gadia a kaa er: Ka or a inja je ga, er nan lu a Aôndo doo doo yô.
er u kaan wer, ka u a inja sha nyi? M zua a nyi hemba kwagh u ma m zough a mi aluer mea lu eren kwaghbo yôô?
Aluer me kaa mer, me hungul ivever yam, me kera vihi ishigh sha ga, me lu gbar gbar yô,
Á nam ibo kpee je; nahan me gba nyoon iyol yam gbilin tsôô?
nahan kpaa, Wea tam shin acôvoracô, akondo am je kaa aa gema á nyaghem.
Ka u nan lu a ave a wang je, man ishima i mimi kpaa la; shi nan veren ishima i nan sha gbilinkwagh ga, man nan bumun sha icugh kpaa ga yô.
Me nyian ishô iyol; ka nahan man me ningir sha atse a Ou a nanden nagh sha mi ye, TERE;
Gba ishima i wang ken a mo, Aôndo, shi ver jijingi u he u taver ken a mo.
Ne kaa ner: U civir Aôndo ka gbilinkwagh; man ka nyi mtser je i lu, er se we atindi a Na iko man se zenden sha ishigh ki TER u akum a Sha a ijungwene?
Kporom nen hen Aôndo, Un kpaa, Una kporom her a ven. Wanger nen ave a en, ne mbaasorabo, man shi kile nen asema a en, ne mba asema a lu ne ahar ne.