Upasalmi 72:5 - ICIGHAN BIBILO

⁵ Ve̱ cia u er iyange i lu her yô, man shighe u uwer u lu her kpaa zan zan sha ikov ikov cii.

Upasalmi 72:5 Iomraidhean Croise

1 Utor 3:28

Tsô Iserael cii ungwa agwa, er tor a kur ijir la yô; nahan ve cia tor, gadia ve kav er kwaghfan u Aôndo a lu ken a na sha u ôron ijir yô.

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Upasalmi 72:7

Sha ayange na yô, i̱ kpe orperapera iyol, man bem a̱ ngee zan zan uwer ua kera lu ga.

Upasalmi 89:29

Me er tsombor na ua lu gbem, ikônough nagh ki torough kpaa, kia lu er ayange a Sha yô.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Daniel 7:27

Á gema tartor man mtemtor man ivesen i ityartor i sha won cii, á na nongo u icighanmbaiorov mba Uhembansha; tartor ve ka tartor u tsôron, man ityahav cii mbia er ve tom, mbia ungwa ve.

Mbaefese 3:21

Icivir i̱ lu i Na ken nongo u Kristu man ken Kristu Yesu sha ikov ikov gbem sha won.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

1 Samuel 12:18

Tsô Samuel sôn TER; nahan TER dura shi nôô ura sha iyange la; nahan ior cii cia TER kpishi kua Samuel kpaa.