Upasalmi 72:2 - ICIGHAN BIBILO

² A̱ ôr ior Ou ijir sha perapera; mbaatsanev Ou kpaa sha mimi.

Upasalmi 72:2 Iomraidhean Croise

2 Samuel 23:3

Aôndo u Iserael kaa kwagh, Vande u Iserael ôr kwagh a mo: Or u hemban u a tem tor sha ior, u a tem tor, a cie Aôndo,

1 Utor 10:9

I̱ wuese TER, Aôndo wou, u u doo Un ishima A ver u sha ikônough ki torough ki Iserael; ka er Iserael a doo TER ishima gbem man A ver u tor er u̱ ôron ijir, shi u̱ eren perapera kpaa ye.

1 Utor 3:28

Tsô Iserael cii ungwa agwa, er tor a kur ijir la yô; nahan ve cia tor, gadia ve kav er kwaghfan u Aôndo a lu ken a na sha u ôron ijir yô.

1 Kroniku 29:19

na wan wam Solomon ishima i jighilii kpaa, er una wa atindi a Ou man mbampase Ou man akaawan a Ou iko, a̱ er akaa ne cii man shi a̱ maa tempel u m kohol ikav mbi eren un a mi la.

Yobu 34:19

Man hire Un u A te ken atiator sha dooshima ga, man A hemba wan mbanyarev iko a mbaatsanev kpaa ga, gadia ve cii ka tom u ave Na je.

Upasalmi 12:5

Sha ci u mkighir u i kighir mbaatsanev man mtoghor u mbaibanave yô, Me mough hegen kape TER A kaa la, Me ver or u nan lu tômon la, nana tema a mkpeyol.

Anzaakaa 29:14

Tor u nan er ijir i mbaatsanev sha mimi yô, ikônough nagh ki torough kia lu taveraa gbem.

Yesaia 32:1

Nenge, tor ugen una tema tor sha perapera, atiator kpaa aa kura tar sha ijirôron i mimi.

Yesaia 32:17

Tom u perapera ua lu bem je; man atam a perapera ka mtem u bem bem man jighjigh u nan gbem sha won.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 33:15

Sha ayange la man sha shighe la Me na Gbaa u perapera Una ta hen Davidi; ka Un Una ôr ijiir sha mimi man Una er perapera shin tar ye.

Esekiel 34:16

Me ker kwagh u a saa yô, man Me hide a kwagh u a tsum kera la, man Me kange kwagh ua kever yô, man Me taver kwagh u a gbe angev yô; kpa kwagh u gban ikôr man u taver la, Me tim un kera; Me koso ve sha gbenda vough.

Mpase U Yohane 19:11

Tsô m nenge Sha lu ivegher, nenge, nyinya u pupuu lu. Un u A tema sha mi la i yilan Un er Jighjigh man Mimi. Un er ijir sha perapera, shi nenge ityav kpaa.