Upasalmi 72:10 - ICIGHAN BIBILO

¹⁰ Utor mba Tarshishi man mba ken ityar i shin kpe zegemnger ve̱ va un a iwua; utor mba Sekeba man Seba kpaa ve̱ va a uiwua.

Upasalmi 72:10 Iomraidhean Croise

Genese 10:7

Ônov mba Kushi yô, ka: Seba man Havila man Sabeta man Raama kua Sabateka; man ônov mba Raama yô, ka: Sekeba man Dedan.

1 Utor 10:1

Zum u torkwase u Sekeba ungwa gwa u Solomon sha kwagh u iti i TER yô, a va u va karen un sha mbampin mba cimin.

1 Utor 10:10

Tsô a na tor zenaria kuma utalenti deri man ikundu, man ilyôghonov kpaa ngee kpishi kua awen a injaa; mayange je i kera shi va nyôr a ilyôghonov kpishi er mbi torkwase u Sekeba na tor Solomon la nahan ga.

1 Utor 10:2

A va ken Yerusalem a ior mba va veren un, kpishi je, a urakumi mba tôôn ilyôghonov man zenaria kpishi je, kua awen a injaa. Er a va hen Solomon yô, a ôr un akaa a a lu un ken ishima cii.

1 Utor 10:25

Hanma or lu van a iwua i nan, lu ikav mbi i er sha azurfa man mbi sha zenaria man akondo man ikav mbi utyav man ilyôghonov man anyinya kua mbaalfadari, anyom anyom.

2 Kroniku 9:21

Gadia tor lu a utso mba ve zaan hen Tarshishi a ior mba Huram imôngo; anyom a kuman atar yô, utso mba Tarshishi ve va kwa môm, ve va a zenaria man azurfa man anyi a nortar man ikarakya kua upikoki.

Eseter 10:1

Tsô tor Ahasueru wa inyaregh ki kpandegh sha tar man sha ucile mba shin zegemnger.

Upasalmi 45:12

We wankwase u Tiru ne, ashagbaior va a iwua, vea ker sha u ma i doo u a ve yô.

Upasalmi 68:29

Utor vea va na U iwua, sha ci u tempel Wou u a lu ken Yerusalem la.

Upasalmi 68:30

Yange inyamtoho i hen awoo ne, man ikum i anomabua a anibuav mba akuraior, ndyar ve shin angahar, ve mba inyaregh ki kpandegh ki doon ve yum la; sambe ior mba ityav mbi doo ve yô.

Yesaia 42:10

Wa nen TER icam i he, iwuese Na i̱ hii sha ikighir i tar je, ne mba ne zenden sha zegemnger man akaa a a lu shimi cii kpaa; man ne ityar i hen kpezegemnger kua mba ve tem sha i.

Yesaia 42:4

Una gba ikure ga, á sombo Un kpaa ga, zan zan Una kar veren ijirôron i mimi sha won, ityar i hen kpezegemnger kpaa ia kegh ityesen Na.

Yesaia 43:3

Gadia Mo, M ngu TER, Aôndo wou, Icighan u Iserael, Oryiman wou; M na Igipiti hingir kwagh u paan we a mi, man Etiopia kua Seba kpaa sha ityough you.

Yesaia 43:6

Me kaa a imbusutarimese Mer: Na; shi Me kaa a imbusutariyan kpaa Mer: De kera luun a mi her ga, va a ônov Av mba nomso mba ken ica la kua ônov Av mba kasev mba ken ikighirtar la kpaa;

Yesaia 49:7

TER, Orpaan u Iserael, Icighan na ngu kaan a Or u i laha Un yum A ndôhôr ior asema la, Wanakiriki u mbatarev la er: Utor vea nenge vea mough sha, atiator kpaa nahan, vea gule inya vea civir, sha ci u TER u A lu u jighjigh, Icighan u Iserael, u A tsough U yô.

Yesaia 60:3

Akuraior aa va hen iwanger you, utor kpaa vea va hen iwanger i i mondo sha a we la.

Yesaia 60:6

Ikpela i urakumi ia cir u, agumarakumi a Midian kua Efa; ve cii vea due ken Sheba, vea va a zenaria kua kwagh u human doon, vea yôô aeren a TER a a kom iwuese la, saan saan.

Yesaia 60:9

Ityar i hen kpezegemnger ia keghem, utso mba Tarshishi kpaa vea hemen sha u tôôn ônov ou mba ken ica van a ve; mba van a azurfa ve kua zenaria ve a ve imôngo, sha ci u iti i TER, Aôndo wou man sha ci u Icighan u Iserael, gadia A civir we.

Mateu 2:11

Tsô ve za nyôr ken iyou la, ve nenge a Wanikundan la a ngô Na Maria, ve gure inya ve civir Un, ve gema ve sagh ikav vev, ve na Un iwua: zenaria man kwaghhumandoon man mire.