Upasalmi 71:22 - ICIGHAN BIBILO

²² Nahan mo kpaa me wuese We sha adiguve, ka mimi Wou je la, Aôndo wam. Me wa U atsam a wuese sha adiguve u vesen, We, Icighan u Iserael.

Upasalmi 71:22 Iomraidhean Croise

2 Utor 19:22

Ka an je u laha nan man u toho nan kpaa? Man ka an je u hagher sha nan sha kwaghôrono, u kenden ashe sha sha ihagher kpaa? Ka sha Icighan u Iserael je.

Upasalmi 138:2

Me gure me ver ishigh sha icighantempel Wou, me wuese iti You sha erdoo Wou man sha mimi Wou kpaa, gadia U kende a iti You sha hemba a kaa agen cii.

Upasalmi 144:9

Me wa U icam i he, Aôndo; ka sha adiguve u ingyanyinya pue me wa atsam a wuese We ye,

Upasalmi 25:10

Igbenda i TER cii ka i sha erdoo man i sha mimi sha ci u mba ve we ikuryan Na iko kua mbampase Nav kpaa yô.

Upasalmi 33:2

Sugh nen TER sha molo, wa nen Un atsam a wuese sha adiguve u sha ingyanyinya pue.

Upasalmi 43:4

Nahan me za hen atse a Aôndo a nanden nagh sha mi, Aôndo u m-ember wam u tsung; me wuese We sha adiguve, Aôndo, Aôndo wam.

Upasalmi 56:4

ka sha Aôndo, u m wuese mkaanem Nam la; ka sha Aôndo m suur ye, me cia ga, ka nyi man or á ereme?

Upasalmi 78:41

ve shi ve mee Aôndo, ve bam Icighan u Iserael.

Upasalmi 89:1

Me wa icam, me ter erdoo u TER gbem sha won; me ôr kwagh u jighjigh Wou u mimi sha zwa wam sha ikov ikov.

Upasalmi 89:18

Gadia perutya wase ka u TER je; tor wase kpaa ka Icighan u Iserael la.

Upasalmi 98:3

A umbur erdoo Na man jighjigh Na a ya u Iserael, akighir a tar cii nenge myom u Aôndo wase.

Upasalmi 98:4

Ember TER, we tar cii; ger, wa nen icam a iember, een, wa nen atsam a wuese.

Upasalmi 98:5

Wa nen atsam a wuese TER, sha adiguve, sha adiguve man icam i wan genger genger,

Yesaia 12:6

Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Yesaia 43:3

Gadia Mo, M ngu TER, Aôndo wou, Icighan u Iserael, Oryiman wou; M na Igipiti hingir kwagh u paan we a mi, man Etiopia kua Seba kpaa sha ityough you.

Yesaia 5:16

kpa TER u akum a Sha yô, á kende Un sha sha ijirôron i mimi, man Aôndo u wang tsegha iyol Na sha perapera.

Yesaia 5:19

mba ve kaan er: A̱ er ase fefa, A̱ torough a tom, Na, sé nenge; awashima u Icighan u Iserael la, a̱ nangem, a̱ va, sha u se̱ fa un yô!

Yesaia 5:24

Nahan yô, er nomborusu ka u hia atôayia man er toho u uman kpaa ka u haa inya sha usu, kape mise ve ua vôngo la, imondon ve kpaa una mough er ihundu yô, gadia ve venda ityesen i TER u akum a Sha, ve laha kwaghôron u Icighan u Iserael la.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 60:9

Ityar i hen kpezegemnger ia keghem, utso mba Tarshishi kpaa vea hemen sha u tôôn ônov ou mba ken ica van a ve; mba van a azurfa ve kua zenaria ve a ve imôngo, sha ci u iti i TER, Aôndo wou man sha ci u Icighan u Iserael, gadia A civir we.

Mika 7:20

Ú tese Yakob mimi man Aberaham di erdoo, u U vande bumun a uter asev hii sha ayange a tsuaa la je yô.

Mbaromanu 15:8

Inja na yô, er, Kristu hingir ortom u icôngo u tesen mimi u Aôndo sha u taver uityendezwa mba i tôndo a uter la,