Upasalmi 7:8 - ICIGHAN BIBILO

⁸ TER er akuraior ijir; TERE, er a mi jighilii sha perapera wam, man shi sha mimi u a lu ken a mo kpaa.

Upasalmi 7:8 Iomraidhean Croise

Genese 18:25

Tuna u We nahan Ú er injakwagh ne sha u wuan mbaperapera a mbaaferev imôngo, je mbaperapera geman hingir kwagh môm a mbaaferev; kwagh ne tuna U tsô; Orjirigh u tar cii, Una kera er vough gaa?

Genese 31:53

Aôndo u Aberaham man Aôndo u Nahor, Aôndo u ter ve, A̱ ôr ijir her atô wase. Nahan Yakob maa bum Mcieryol u ter na Isaka.

2 Kroniku 20:12

Aôndo wase, Ú shi ôr ve ijir gaa? Gadia se mba a agee sha ikpelaior i vesen i i ve ityav hen vese ne ga, man se kera fa kwagh u sé er ga, kpa ashe ase nga sha awe.

Upasalmi 11:4

TER ngu ken icighantempel Na; ikônough ki torough ki TER ki Sha; ashe Na nga kenger, akurashee a Na nga karen ônov mba iorov.

Upasalmi 25:21

Mimi man jighjigh ve̱ kuram, gadia m ver ashe We.

Upasalmi 26:1

Er a mo jighilii TERE, gadia mo m zenden sha mimi, m suur sha TER a akpelan ga.

Upasalmi 26:11

Kpa mo yô, ka sha ishô yam m zenden ye; paam, zungwem mhôônom.

Upasalmi 41:12

Kpa mo yô, U suwem ken mimi wam, U veren mo sha ishigh You gbem.

Upasalmi 43:1

Er a mo jighilii, Aôndo, ôr kwagh wam, hendan a ikurior i cian Aôndo ga la; warem sha ikev i orcugh, u a lu a mimi ga la.

Upasalmi 78:72

Nahan a koso ve di sha inja i mimi u ken ishima na je, a hemen ve sha kwaghfan u sha ave na la. Ka Pasalmi u Asav

Upasalmi 82:1

Aôndo ngu tilen ken mkohol u Aôndo; ngu ôron ijir hen atô u mbaaôndo.

Upasalmi 9:8

Una ôr tar ijir sha mimi, Una ôr akuraior ijir vough.

Upasalmi 96:13

sha ishigh ki TER, gadia ngu van, ngu van sha u ôron tar ijir; Una ôr tar ijir sha perapera, man akuraior kpaa sha mimi Na.

Upasalmi 98:9

sha ishigh ki TER, gadia ngu van u va ôron tar ijir; Una ôr tar ijir sha perapera, man akuraior kpaa sha mimi.

Anzaakaa 19:1

Guda icanor u nan zenden ken mimi u nan la, a or u nan er akaadang sha zwa man nan lu ibumeor la.

Aerenakaa A Mbaapostoli 17:31

gadia A ver iyange i Una ôr tar cii ijir sha mimi, sha Or u A ver nan yô; sha kwagh ne yô, A na ior cii ikav i mimi sha mnder u A nder Un shin mbakpenev la.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

1 Mbatesalonika 2:10

Ka ne je ne lu mbashiada kua Aôndo kpaa ye, er mlu wase her a ven, ne mba ne ne jighjigh la, lu wang man perapera man a acôghol a wan iyol ga.