Upasalmi 7:6 - ICIGHAN BIBILO

⁶ Mough sha a ishima i vihin You TERE, kegh iyol i num sha iyugh i mbaahendanev av; nder sha ci wam, We, u U kaa wer, i̱ ôr ijir sha mimi!

Upasalmi 7:6 Iomraidhean Croise

2 Samuel 17:14

Tsô Abesalom kua ior i Iserael cii ve kaa er: Mhen u Hushai Orarkiti ne, hemba mhen u Ahitofel. Gadia TER ver u i̱ bunde mhen u injaa u Ahitofel la, sha er TER Una va a kwaghbo sha Abesalom yô.

Upasalmi 103:6

TER eren akaa a perapera, man shi er ijir i mimi sha ci u mba i kighir ve a ican yô.

Upasalmi 12:5

Sha ci u mkighir u i kighir mbaatsanev man mtoghor u mbaibanave yô, Me mough hegen kape TER A kaa la, Me ver or u nan lu tômon la, nana tema a mkpeyol.

Upasalmi 138:7

Shin er m zenden ken atô u ican, nahan kpaa. Ú kura uma wam Wer a̱ lu her; Ú naregh uwegh Ough sha iyugh i mbaihomov av, uwegh Ough ku yanegh kua yimam.

Upasalmi 143:3

Gadia orihom tôv uma wam ityô a ican, a kighir uma wam hen inya je, a erem m tsa ken ajiir a imegh, er mba ve vande kpen kera ica i gbe yô.

Upasalmi 3:7

Mough sha, TERE, yimam, Aôndo wam! U ta mbaihomov av azu sha ahenge cii, U or mbaaferev anyi.

Upasalmi 35:1

TERE, zôhô a mba ve zehe a mo yô, shi nôngo num a mba ve nenge num a mo yô.

Upasalmi 35:23

Kpoghol iyol, nder sha u nan mo ishô sha kwagh wam, Aôndo wam, man Terem.

Upasalmi 44:23

Nder, Tere, ka nyi U yava? Mough sha, de te se kera gbem ga.

Upasalmi 44:26

Mough sha, wase se, paa se sha ci u erdoo Wou la. Ngun ka sha ci u orhemen u mbawanatsam; sha ikenge i: Ulôhô. Ka Pasalmi u ônov mba Kora. Ka ityesen. Ka icam i sha dooshima

Upasalmi 59:5

We, TERE, Aôndo u akum a Sha, Aôndo u Iserael, mough sha, ôr atôatyev ijir, de kera zungwen ma or u ken mba ve eren akaabo sha atseregh la mhôônom ga. Sela.

Upasalmi 73:20

Er mnyam ma cien ma lu nahan, zum u or ka nan nder kera la, kape, Tere, zum u U mough sha yô, U laha mlu ve la.

Upasalmi 74:3

Kende angahar a Ou sha, sha u zan hen icôronce la; orihom vihi akaa a ken icighanjiir la kera ca ca.

Upasalmi 78:65

Tsô Ter nder er ka or u nan nder mnya nahan, man er orageegh u msôrom ma ker nan nan genger imo yô.

Yesaia 3:13

TER mough tile sha, kuma Un u sendegh kwagh, ngu tilen sha sha u ôron ior ijir.

Yesaia 33:10

Hegen yô, Me mough sha, kape TER A kaa ne; hegen Me kende iyol Yam sha; hegen Me tile sha.

Yesaia 37:20

Yô, TERE, Aôndo wase, shi yima se sha ikev na, ityartor i sha won i̱ fa er We u lu TER tswen yô.

Yesaia 51:9

Nder, nder wa agee iyol, we, uwegh ku TER; nder er sha ayange a atsuaa la nahan, a sha ikov i ngise la. Kera ka We U paa Rahabi avur avur, shi U kuma darakon kpaa gaa?