Upasalmi 69:4 - ICIGHAN BIBILO

⁴ Mba ve kerem ihom sha ityôikaa ga yô, ve hemba ngeen a ice yam i sha ityo; mbaihomov av mba icughuv, mba i lu ve ka timin mo kera yô, ve taver; nahan m gba kimbin kwagh u m vande ngohol un ga tsô.

Upasalmi 69:4 Iomraidhean Croise

Upasalmi 35:19

Ve mba ve lu mbaihomov av sha aie la, ve̱ de ember sha a mo ga; man shi mba ve kerem ihom sha ityôikaa ga la, ve̱ de kamen ashe sha a mo ga.

Upasalmi 40:12

Gadia atsan kasem gande u ôron; aferakaa am tserem je, m kera fatyô u nengen ga, a hemba ngeen a ice yam i sha ityou, ishima kpaa yinam.

Upasalmi 59:3

Gadia nenge ase, mba meen uma wam; mbaageev kohol iyol u tan num sha a mo, ka sha ci u mkarkpe wam ga, man shi ka sha ci u isholibo yam kpaa ga, TERE,

Upasalmi 6:7

M hungwa ashe ikôl sha ci u ishima i vihin, nga been iyol sha ci u mbaahendanev av cii.

YOHANE 15:25

Kpa i er kwagh ne sha er kwagh u i nger ken atindi a ve la, a̱ kure sha mi vough er: Ve kôrom ihom lu sha ityôikaa ga.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

1 Peteru 2:22

A er ma isholibo ga, icugh kpaa i zua a mi sha zwa Na ga.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.