Upasalmi 69:13 - ICIGHAN BIBILO

¹³ Kpa mo yô, msen wam ngu her a We, TERE; sha shighe u doon We la, Aôndo, ungwam sha erdoo Wou u ngeen yum man sha mimi u myom Wou la.

Upasalmi 69:13 Iomraidhean Croise

Genese 24:27

Man a kaa er: I̱ wuese TER, Aôndo u terem Aberaham, u A bunde erdoo man mimi Na a terem ga yô; mo yô, TER hemen mo sha gbenda zan zan va nyôr a mo hen ya u anmgbianev mba terem.

Eseter 5:2

Tsô, er tor nenge Eseter pendatyo na tile ken tembe yô, doo un a na; nahan tor naregh tôgh ku zenaria ku a lu a mi sha uwe la sha Eseter. Tsô Eseter kporom bende ityough ki tôgh kura.

Eseter 5:6

Tsô tor kaa a Eseter hen iniongo i man wain la er: Ka nyi i sar uwe? Á na u je. Ka nyi u sene? A lu vegher u tartor je kpaa, á na u.

Eseter 7:2

Sha iyange i sha uhar i iniongo i wain la, tor shi kimbir pinen Eseter er: Ka nyi i sar uwe, pendatyo Esetere? Á na u je; man ka nyi u sene? Á lu vegher u tartor je kpaa á na u.

Upasalmi 32:6

Nahan yô, hanma or u cian Aôndo nana̱ sôn Un sha shighe u i lu pe á zua a Na yô. Mimi je, zum u uzegembamngerev vea sar avenge kpaa, vea ar her a nan ga.

Upasalmi 51:1

Zungwem mhôônom Aôndo, sha erdoo Wou; sha mhôônom Ou ma kôron yum la, esem akaabo am kera.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Upasalmi 98:3

A umbur erdoo Na man jighjigh Na a ya u Iserael, akighir a tar cii nenge myom u Aôndo wase.

Yesaia 49:8

TER ngu kaan nahan er: Sha shighe u doon yô, M rumun We, man sha iyange i myom kpaa, M wase U; Me kura U kpaa, Me ver U Ú lu ikuryan i ior sha u moughon a tar sha, man sha u nan ve dyako u i vande vihin un kera la;

Yesaia 55:6

Ker nen TER er ian i zuan a Na i lu her yô, yila nen Un er A lu ikua ikua ne.

Ukwelegh 3:63

Yô, kenger ve, mtem ve man mmough ve; m hingir ve icam i sha ilyahan.

Mika 7:20

Ú tese Yakob mimi man Aberaham di erdoo, u U vande bumun a uter asev hii sha ayange a tsuaa la je yô.

Luka 1:72

Lu sha u zungwen uter asev mhôônom, man shi u umbur icighanikuryan Na kpaa;

Luka 22:44

Tsô er A lu ken ican yum yô, A seer eren msen ishima i môm. Iusa Na gema hingir er ka aberawambe nahan, gba nôndon inya.

2 Mbakorinte 6:2

Gadia ngu kaan er: Ka sha shighe u a doo la M ver ato we, sha iyange i myom la kpaa M wase u. Nenge, ka hegen je i lu shighe u doon ye, nenge ka hegen i lu iyange i myom kpaa ye.

Mbaheberu 5:7

Sha ayange a Yesu lu ken mlu u or la yô, A eren mbamsen man uzamber sha imo i genger genger man shi a mliam ashe kpaa. A sôn Un u A fatyô u yiman Un ken ku la, man i ungwa Un kpaa sha ci u mcieaôndo Na la.

1 Peteru 2:23

Zum u i laha Un kpaa mayange A or iyev sha mlaha la ga, er A ya ican kpaa A ta hwa ga, kpa A gema A wa sha ikev i Un u A er ijir sha mimi la.

1 Samuel 25:8

Pine mbayev ou, tsô vea kaa u; nahan yô, i̱ doo u a mbayev mban; gadia se va sha iyange i ember; yô, shi na mbayev ou kua wan wou Davidi hanma kwagh u u nenge i doo u yô.