Upasalmi 53:6 - ICIGHAN BIBILO

⁶ Kpash! myom u Iserael ma a dugh ken Shion, ma a shi ve yôô! Zum u Aôndo Una sôr mlu u ior Nav yô, shighe la Yakob una tsuwe amar, Iserael kpaa una ember. Ngun ka sha ci u orhemen u mbawanatsam, i kuhwan un sha mbaadiguve; ka ityesen i Davidi, zum u Mbashiv va, va kaa Saulu er: Ka hen vese Davidi a yer ye gaa?

Upasalmi 53:6 Iomraidhean Croise

Esera 3:11

Ve nderan atsam, mbagenev rumun; ve wuese TER, ve sughun Un ve kaan er: Gadia A doo, gadia erdoo Na sha Iserael ngu gbem sha won. Ior cii ger akenge genger genger, er ve lu wuese TER la, sha ci u i tim imagh ki iyou i TER yô.

Nehemia 12:43

Ve na iniav kpishi sha iyange la, ve ember; gadia Aôndo na ve ve ember zegeiember; kasev kua mbayev kpaa ve lu ember; nahan i ungwa iember i Yerusalem ca je.

Yobu 42:10

Nahan TER dugh Yobu ken ican na kera, zum u a er msen sha ci u akar a na la; TER shi na Yobu akaa kuma er a tsuaa la nahan kwa har.

Upasalmi 14:7

Kpash! Myom u Iserael ma a dugh ken Shion ma a shi ve yôô! Zum u TER Una sôr mlu u ior Nav yô, shighe la Yakob una tsuwe amar man Iserael kpaa una ember!

Upasalmi 50:2

Ken Shion u a lu mdooashe u ganden la, Aôndo mondo er iwanger nahan.

Upasalmi 85:1

TERE, doo U a tar Wou, U hide Yakob a mkpeyol na la.

Anzaakaa 28:1

Mbaaferev ka ve gba yevese tsô, ma or kpaa nan zendan ve ityô ga, kpa mbaperapera yô, ka ve lu a ishima i tiaver er begha nahan.

Yesaia 12:6

Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Yesaia 14:32

Ka nyi kwagh, á ôr mbatyomov mba ikurior ne? TER ver Shion, nahan ka ker man ior Nav mba ve ye ican vea yer ye.

Yeremia 30:18

TER ngu kaan nahan er: Nenge, Me gema mlu u utenti mba Yakob, uya nav vea kôrom mhôônom, á maa gar na sha ice na, man iyou i tor kpaa sha ijiir i i la vough je.

Yeremia 31:23

TER u akum a Sha, Aôndo u Iserael, ngu kaan nahan er: Shi vea ôron kwagh ne ken tar u Yuda man ken agar a na, zum u Me gema mlu ve la er: TER A̱ ver u doo doo, we ya u perapera, we icighanwo.

Yoel 3:1

Gadia, nenge, sha ayange la, man sha shighe la kpaa, zum u me hire a Yuda man Yerusalem ken kwar yô,

Levitiku 26:17

Me kera saan ishigh a ven ga, mbaihomov enev vea hemba ne; mbakôron ne ihom vea tema tor sha a ven; né gbaa yevese tsô, or kpaa nana zendan ne ga.

Levitiku 26:36

Ior enev mba ve shi her yô, Me er asema a ve aa lu per per ken ityar i mbaihomov vev, shin iov i kwa u ahumbe a purugh a mi tsô kpaa, ia num ve; vea yevese er ka i yevese sanker nahan, vea gba, kpa or a lu zendan ve ijime kpaa ga.

Amoshi 9:14

Shi Me dugh ior Av Iserael ken uikangen kera, shi vea maa agar a lu i yôhôl la, vea tema ker; vea kaha ishule i wain man vea ma zar na; shi vea kaha ishule i atamaikon vea ya atam a ker kpaa.