Upasalmi 53:2 - ICIGHAN BIBILO

² Aôndo shir ashe shin, ngu kenger ônov mba iorov, er Una nenge shin mô u lun a mkav nan ngu, u keren Aôndo.

Upasalmi 53:2 Iomraidhean Croise

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

2 Kroniku 15:2

nahan a mough a za kegh Asa gbenda; a kaa a na er: Ungwam nen, we Asa, kua Yuda cii man Benyamin; TER ngu a ven, er ne lu a Na yô; aluer né ker Un yô, né zua a Na je; kpa aluer né undu Un yô, Un kpaa Una undu ne.

2 Kroniku 19:3

Nahan kpaa i zua a akaadoon her a we, gadia u vihi Asherim ken tar ne kera, shi u ver ishima u keren TER kpaa.

Yobu 28:28

kpa or yô, A kaa a nan er: Nenge, mcie u cian TER, ka kwaghfan je la, man u paven a iferkwagh ka mkav.

Upasalmi 10:4

Iferor ka nana manger yô, nan kaa er: Una or iyev ga; sha mbamhen nav cii, a hen er: Aôndo ngu ga.

Upasalmi 102:19

Gadia A tema sha icighanjiir Na u sha, A shir ashe shin, TER tema Sha, gema nenge tar shin,

Upasalmi 11:4

TER ngu ken icighantempel Na; ikônough ki torough ki TER ki Sha; ashe Na nga kenger, akurashee a Na nga karen ônov mba iorov.

Upasalmi 111:10

Mcie u cian Aôndo ka mhii u kwaghfan je la, mbaeren sha mi cii yô, mba a mkav u dedoo; iwuese Na ngi gbem sha won.

Upasalmi 27:8

Ishima yam ngi ôron kwagh Wou er: Ker nen ishigh Yagh. Ka ishigh You je me ker ye, TERE.

Yesaia 55:6

Ker nen TER er ian i zuan a Na i lu her yô, yila nen Un er A lu ikua ikua ne.

Yeremia 16:17

Gadia ashe Am ne nga sha igbenda ve cii, ngi myer sha ishigh Yagh ga, man iferkwagh ve kpaa ngi myer sha ashe Am ga.

Yeremia 23:24

Ma or nana fatyô u za yeren ken ajiir a ken iuv je er Mo Me nenge a nan ga yôô? Kape TER a kaa ne. M iv Sha man tar gaa? Kape TER A kaa ne.

Duteronomi 4:6

Waan nen a iko, eren nen sha a; gadia ka kwaghfan wen man mkav wen je la, sha ashe a akuraior a á va ungwa akaawan ne cii man aa kaa er: Mimi je zegeikurior ne ka ior i fan kwagh man i kaven kwagh kpaa.