Upasalmi 5:9 - ICIGHAN BIBILO

⁹ Gadia zwa ve ngu a kwagh u mimi ga; ken atô ve yô, ka ifer tsô; gôngor ve ka uwar u lun ivegher; nombor ve u leghem tsô.

Upasalmi 5:9 Iomraidhean Croise

Esera 8:21

Nahan m yôô kwaghyan u hôron her, hen ifi u Ahava, sha u se̱ hide a ayol a ase ijime sha ishigh ki Aôndo wase, man se̱ sôn iveren Na sha zende wase man mbayev asev kua akaa a se lu a mi cii.

Upasalmi 27:11

TERE, tesem gbenda Wou, hemen mo sha gbenda u shambe shambe kpaa, sha ci u mbaihomov av.

Upasalmi 51:6

Nenge, ka mimi U keren ken atô u ishima ye; ka ken myer je, U nem m lu a mfe ye.

Upasalmi 52:2

U ngu veren ishima u vihin kwagh, nombor wou ngu er atsem u esen yô, we, u u eren kwagh sha atseregh ne.

Upasalmi 62:4

Mba henen ma kwagh ga, saa di u mgbeghan un sha icivir na kera; aie u eren doo ve, mba ne iveren sha zwa, kpa ken asema ve yô, ka ifan ve we ye. Sela.

Upasalmi 62:9

Mimi je, ior mba ve lu a icivir ga, mba er humbe u karen kera nahan; mba ve lu a icivir kpaa, ka aie tsô, sha ikyekye i karen kwagh a mi yô, vea kuma ga, ve imôngo cii ve kuma sha humbe u karen kera la kpaa ga.

Upasalmi 64:6

Mba henen u eren aferakaa: Se kohol iyol ve, se zua a mhen u dedoo ve. Mhen u ken myer kua ishima i or yô, taver kpishi gande u fan.

Upasalmi 69:19

We U fa ilyahan yam, man kunya wam, man iheen yam; mbaahendanev av cii, mba sha ishigh You.

Anzaakaa 29:5

Or u nan kpamegh or wan ndor a nan yô, nan ngu gbihin nan kwaghhônon shin angahar.

Yesaia 26:7

Gbenda u orperapera ngu vaanaa; ka U sôr gbenda u orperapera u lu shambe shambe.

Yeremia 17:9

Ishima i wa atseregh je hemba hanma kwagh cii, i vihi je gande; ka an nana fatyô u fan i?

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Mika 6:12

Gadia mbanyarev mba ve lu keregh la ve mgbough a ipila, man mba ve tem ker kpaa ve er mbaaie, nombor u ken zwa ve iv a icugh.

Luka 11:39

Kpa Ter kaa a na er: Ne, Mbafarishi! Ka ijime i iyongo man i gbande ne kir ye, kpa ken atô wen yô, ne iv a mtusu man ifer.

Luka 11:44

Kwagh á tser ne! gadia ne mba vough er iwar i i nengen a i ga la nahan, mba zenden sha mi kpaa mba fe ga.

Mbaromanu 3:13

Gôngor ve ka uwar u lun ivegher je, ka sha iniombor ve ve lu tsughun ior ye, megh ku iyô i bo ku ve sha ityumbujôôgh.

1 Mbatesalonika 2:5

Gadia mayange se lu ôron kwagh sha zwanyohon ga er ne kpaa ne fe nahan, shin sha hua u a lu myer kpaa ga, Aôndo je, ka Shiada wase,