Upasalmi 5:3 - ICIGHAN BIBILO

³ TERE, pepe Ú ungwa imo yam; pepe me ver msen wam sha ishigh You man me kegh kpaa.

Upasalmi 5:3 Iomraidhean Croise

Yobu 34:28

nahan ve er mliam ma mbaatsanev ar her a Na, man A ungwa mliam ma mba ican i er ve la.

Upasalmi 119:147

Er sev lu a wanger ga tsô, m yila; m ngu veren ishima keghen mkaanem Ou.

Upasalmi 130:2

Tere, ungwa imo yam, ver ato ungwa imo i uzamber av.

Upasalmi 130:6

Uma wam ngu veren ashe keghen TER, hemba mbakuran mba ve veren ashe ve keghen m-av u use yô, een, mbakuran mba ve veren ashe ve keghen m-av u use la.

Upasalmi 145:1

Me civir We, Tor, Aôndo wam me wuese iti You gbem sha won.

Upasalmi 22:2

Kpash! Aôndo wam, ka a lu atetan yô, m ngor ikenge, kpa U bugh zwa ga, a lu tugh kpaa m huan ga.

Upasalmi 44:5

Ka sha a We man se gbihi mbaahendanev asev inya ye; man ka sha iti You kpaa se ndyar mba ve mough num a vese ye.

Upasalmi 55:17

Iyange i been man pepe man iyange sha tembe m vaan m toghor; A ungwa imo yam kpaa.

Upasalmi 69:16

Bugh zwa a mo, TERE, gadia erdoo Wou doo kpee; sha mhôônom Ou ma zungwen yum yô, gema ishigh ken a mo.

Upasalmi 74:12

Nahan kpaa Aôndo ka Tor wam hii ngise je, eren tom u myom sha tar.

Upasalmi 84:4

Saan mba ve tem ken iyou You iyol, mba wuese We gbem. Sela.

Upasalmi 88:13

Kpa mo yô, m ngu yilan We TERE, pepe msen wam ka a va sha ishigh You.

Yesaia 26:9

U sar uma wam tugh tsung je, jijingi wam u ken a mo kpaa ngu keren We sha gbashima; gadia shighe u ajiraôron a Ou a lu sha won yô, mba ve tem shin tar la mba henen perapera.

Ukwelegh 3:56

U ungwa imo yam; de kera cirin togh Ough sha u ungwan iôôn yam man mliam am kpaa ga.

Marku 1:35

Tsô A mough sha use tugh tugh, A yem hen ijiir igen ape ma or lu ga, A za er msen ker.