Upasalmi 5:10 - ICIGHAN BIBILO

¹⁰ Na ve ibo, Aôndo; ve̱ gbidye inya sha mbamhen vev ayol a ve; zenda ve kera sha ci u mngee u asorabo a ve; gadia ve hendan a We.

Upasalmi 5:10 Iomraidhean Croise

2 Samuel 15:31

Er i va kaa Davidi er: Ahitofel kpaa ngu a mba ve zough zwa a Abesalom la imôngo yô, Davidi kaa er: TERE, shi gema mhen u Ahitofel, a̱ hingir ibumegh.

2 Samuel 17:14

Tsô Abesalom kua ior i Iserael cii ve kaa er: Mhen u Hushai Orarkiti ne, hemba mhen u Ahitofel. Gadia TER ver u i̱ bunde mhen u injaa u Ahitofel la, sha er TER Una va a kwaghbo sha Abesalom yô.

2 Samuel 17:23

Zum u Ahitofel nenge i er sha mhen na ga yô, a kange jaki na shidi a mough a hide ken ya, ken gar na, a sôr akaa ken ya na, tsô a sende iyol na, a kpe, i ii un shin uwar u ter na.

2 Kroniku 25:16

Tsô, ngur ôron kwagh a na yô, tor kaa a na er: Se ver u or u henen kwagh a toro? Kighir je; i̱ wua u keng, ka nyi? Tsô profeti la kighir je, kaa er: M fa Aôndo vande veren ishima sha u timin we, sha ci u u er kwagh ne, man shi sha ci u u kera ver ato sha kwaghôron wam kpaa ga yô.

Eseter 7:10

Nahan ve za sende Haman sha kon u a tim sha ci u Mordekai la. Tsô ishima yôhôl tor.

Upasalmi 10:15

Sombo ikasewe i iferor man dangor la, time ifer na zan zan ma kwagh a̱ de shi ga.

Upasalmi 107:11

sha ci u ve hendan a akaaôron a Aôndo, man ve laha kwaghwan u Uhembansha yô;

Upasalmi 17:13

Mough, TERE, za ta sha a na, gbihi un inya; yima uma wam sha ikev i iferor, sha sanker Wou,

Upasalmi 31:18

Ityumbujôôgh i aiegh i̱ huan, i mba ve teren mbaperapera sha dang a iyolgengese man ilyaha.

Upasalmi 35:26

Ve̱ va ahenge, kunya u̱ kôr ve, ve mba ve ember sha ican i eren mo la; kunya u̱ cir ve man iheen, ve mba ve pende kwagh a mo la.

Upasalmi 55:15

Ku u̱ bul ve fefa, ve̱ sen ve̱ nyôr shin Sheol uma, gadia iferkwagh ngi ken ya ve, ken asema a ve kpaa.

Upasalmi 66:7

A tema tor sha agee a Na gbem; ashe a Na gba kenger sha akuraior; mbahendan yô, ve̱ de kera kenden ayol a ve sha ga. Sela.

Upasalmi 71:13

Mba ve hendan a uma wam cii, ve̱ va ahenge, ve̱ saa ishe; man mba ve keren mo a ican kpaa ilyahan man kunya u̱ cir ve iyol.

Upasalmi 79:12

Tere, iheen i mba ve we ndor a vese, ve hee U a mi yô, hile ve a mi ken ikum ve zan zan kwa taankaruhar.

Yesaia 1:2

Ungwa nen, ne Usha; ver ato we tar kpaa, gadia TER ôr kwagh er: M koso ônov, m yese ve, kpa ve je, ve gema ve hingir iyongo a Mo.

Yesaia 1:20

kpa aluer nea venda, nea hendan kpaa yô, á wua ne sha sanker; gadia kape zwa u TER u kaa la.

Yesaia 63:10

Kpa ve je, ve gema ve hendan a Na, ve vihi Icighan Jijingi Na ishima; Nahan A gema a hingir er ka orihom ve nahan, A nôngo ityav a ve iyol Na kpaa.

Ukwelegh 1:5

Mbaahendanev nav hingir mba sha hemen, mbaihomov nav tema a mkpeyol; gadia TER er un ican sha ci u mngee u afer a na; i yem a mbayev nav uikangen sha ishigh ki orhendan.

Daniel 9:5

se er isholibo, se er kwagh u dang, se er ifer, se hendan kpaa, se kaha se undu atindi a Ou man ajiraôron a Ou kpaa;

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;

Hosea 9:7

Ayange a mtsaha kuma ve, ayange a oron iyev va ve; Iserael una fa kwagh ne; profeti ka ibumeor, or u lun a jijingi ka orihundu, sha ci u mngee u ifer you man sha ci u ihom kpaa i vese yô.

1 Mbakorinte 3:19

Gadia kwaghfan u tar ne ka Aôndo ibumekwagh je. Gadia i nger er: Un u A ker mbafankwagh sha atseregh a ve la,

Duteronomi 2:30

Kpa Shihon tor u Heshebon rumun u se̱ kar her a na ga, gadia TER, Aôndo wou, taver jijingi na, cighir un ishima kpaa, sha u Una na un sha ikev you er i lu nyian nahan.

1 Samuel 25:29

Man shi aluer or á mough sha u zendan we ijime, keren we a ku kpaa, ma i kange uma u terem ken ile u mbaumav a TER, Aôndo wou, imôngo; kpa uma u mbaihomov ou Una ta ve kera sha ihuren i mzu.

1 Samuel 25:39

Er Davidi ungwa er Nabal a kpe yô, a kaa er: I̱ wuese TER u A kurum ijir sha ilyahan i Nabal a laham a mi la, man A yange wanye Na u eren ifer kpaa yô; kpa TER hide a ifer i Nabal sha ityough nagh. Nahan Davidi tindi i ôr kwagh a Abigail, er sar un pe eren un.