Upasalmi 49:6 - ICIGHAN BIBILO

⁶ Ka mba ve suur sha inyaregh vegh je la, ve ta ihagh sha inyaregh vegh ki ngeen la.

Upasalmi 49:6 Iomraidhean Croise

Eseter 5:11

Haman ôr ve mngee u inyaregh nagh man mngee u ônov nav, man akaa a tor kende un sha sha mi cii, man er a ver un hemba atiator kua mbatomov mba tor kpaa.

Upasalmi 112:7

Nana cia loho u bo ga, ishima i nan i taver sha er nan suur sha TER yô.

Upasalmi 112:8

Ishima i nan i taver, nana cia kwagh ga, zan zan nana kar nengen a awashima u nan sha mbaahendanev mba nan la;

Upasalmi 52:7

Ehee! Nenge, or ne ka or u a gem Aôndo A hingir agee a na ga yô, kpa a suur sha mngee u inyaregh nagh, a taver ishima sha ifer na.

Upasalmi 56:5

Ve shi geman akaaôron a am didi; mbamhen vev cii, mba henen u eren mo kwagh u bo.

Upasalmi 56:7

Er ve er aferakaa, nahan kpaa vea wara? Gbihi akuraior inya sha ishimavihin, Aôndo!

Upasalmi 62:10

De suur nen sha mkighir ga, man shi de veren ishima sha u i ga. Aluer inyaregh kia seer yô, de veren ishima sha ki ga.

Anzaakaa 10:15

Inyaregh ki shagbaor ka gar u nan u taveraa je; kwagh u van mbaatsanev a mtim yô, ka ibanave ve la.

Anzaakaa 11:28

Or u nan suur sha inyaregh ki nan yô, nan á gba, kpa orperapera yô, nan hôm er ahu yô.

Anzaakaa 23:5

sar u ka veren ashe sha mini? Yô, ki ga; gadia ki wa akper fefa je, er gafa ka a purugh a yem sha nahan.

Yeremia 9:23

TER ngu kaan nahan er: Orfankwagh a̱ de te ihagh sha kwaghfan u nan ga, orageegh kpaa a̱ de te ihagh sha agee a nan ga, ornyar kpaa a̱ de te ihagh sha inyaregh ki nan ga;

Hosea 12:8

Nahan Eferaim kaa er: M hingir ornyar ve, m tser a inyaregh; ken akaa am cii, i zua a ma kwagh u ifer ken a mo u lun isholibo ga.

Marku 10:24

Cier mbahenen Nav iyol sha kwaghôron Na la. Kpa Yesu shi kimbir kaan a ve er: Mbayev, u nyôron sha tartor u Aôndo ka ican tsô.

Luka 12:19

Tsô me kaa a ishima yam mer: Ishima, u koso akaa kpishi, a aa kuma anyom imôngo je; gba memen tsô, yaan akaa, maan akaa, i̱ lu u iyol yagh yagh.

1 Timoteu 6:17

Mba ve lu mbanyarev ken tar u ainge ne yô, wa ve kwagh wer, ve̱ de gengese ayol a ve ga, ve̱ de veren ishima sha inyaregh ki i fe kwagh sha min ken hemen ga la ze, kpa ve̱ ver ishima sha Aôndo u A ne se akaa cii wuee sha u se̱ er kwagh a mi yô.