Upasalmi 46:2 - ICIGHAN BIBILO

² Ka nahan man se cie ga ye, shin tar ua tenger kpaa, shin iwo ia môgh, ia za gba shin atô u zegemnger kpaa;

Upasalmi 46:2 Iomraidhean Croise

2 Samuel 22:3

Aôndo wam, vande wam u taver, ka sha a Na me suur ye; ka perutya wam man korough ku myom wam, barwoogh wam man ijiir yam i yeren kpaa, Oryiman wam; U yimam sha ikev i kwagh u aperagh;

Upasalmi 142:6

Wa iko sha mliam am, gadia m ngu seelee; yimam sha ikev i mbatôvon mo a ican, gadia ve hembam agee.

Upasalmi 18:7

Tsô tar tenger, er ngigh ngigh, amagh a iwoogh kpaa tenger, i tenger a sha ci u A yugh yô.

Upasalmi 23:4

Shin mea karen ken pev u mure u kuugh kpaa, me cia kwagh u bo ga, sha ci u We U lu a mo yô; aga Wou man gbough Ough ka ve surun mo ishima.

Upasalmi 27:3

Shin ikumutya ia gbidye afo sha u nôngon a mo, me cia ken ishima ga; shin ityav mbia mough a mo kpaa, me taver ishima her.

Upasalmi 28:7

TER ka agee am je, man perutya wam kpaa, ishima yam suur sha a Na, m zough a iwasen, nahan yô, ishima yam ngi ember tsung; ka sha icam yam kpaa me wuese Un ye.

Upasalmi 37:39

Kpa myom u mbaperapera yô, due hen TER je, ka Un A lu garutya ve sha iyange i mzeyol ye.

Upasalmi 59:17

Ka We, agee am, me wa U atsam a wuese ye; gadia Aôndo ka gôgôyou wam, Aôndo u A eren a mo dedoo ne. Ngun ka sha ci u orhemen u mbawanatsam; i ver un sha ikenge i: Loho u Shiada. Ka icam i Davidi dugh sha u tesen ior, zum u a nôngo ityav a Mbaaram mba ken tar u Mesopotamia, man a Mbaaram mba ken tar u Soba, man zum u Yoabi hide, man a wua Mbaedom shin pev u Bar, ior dubu pue kar uhar la

Upasalmi 62:8

Ne ikurior ne, suur nen sha a Na hanma shighe, pase nen asema a en sha ishigh Nagh; Aôndo ka ijiir yase i yeren je. Sela.

Upasalmi 62:9

Mimi je, ior mba ve lu a icivir ga, mba er humbe u karen kera nahan; mba ve lu a icivir kpaa, ka aie tsô, sha ikyekye i karen kwagh a mi yô, vea kuma ga, ve imôngo cii ve kuma sha humbe u karen kera la kpaa ga.

Upasalmi 82:5

Ve fa kwagh ga, mkav tsô kpaa, ve kav ga, mba zenden wue wue ken ime je; amagh a tar cii tenger.

Upasalmi 91:2

Me kaa a TER mer: U ngu ijiir yam i yeren man iyouutya yam, Aôndo wam u m suur sha a We ne.

Yeremia 14:8

We, ishimaverenkeghen i Iserael, Oryiman na, sha ayange a ican, ka nyi man U hingir er orvannya ken tar ne, man er or u nan dugh zende, u nan kaha nan yav tugh tseegh nahan?

Nahum 1:7

TER doo je, ka ijiir i waren sha iyange i ican; man A fa mba ve suur sha a Na yô.

Mateu 21:21

Yesu gema kaa a ve er: Mimi je M kaan ne, aluer ne lu a jighjigh u nan man né ta akpelan ga yô, ka kwagh u a er tur ne nahan tseegh né er ga, kpa á lu uwo ne je kpaa, né kaa u ner: Mough, gba shin zegemnger kpaa á lu nahan je.

Luka 21:33

Sha man tar vea kar kera, kpa akaaôron Am aa kar kera mayange ga.

Mbaheberu 13:6

Nahan yô, se fatyô u kaan vangertiôr ser: Ter ka Orwasen mo, me kera cia ga, ka nyi je or á ereme?