Upasalmi 45:4 - ICIGHAN BIBILO

⁴ Zende a icivir You doo doo, sha ci u kwagh u mimi man u ishima i legh legh man u perapera; uwegh Ough ku yanegh ku̱ tese U akaa a cieryol!

Upasalmi 45:4 Iomraidhean Croise

Upasalmi 2:9

Ú her ve sha tôgh ku iyôgh; Ú hembe ve avur avur er gbande u ormaantyegh nahan.

Upasalmi 60:4

U na mbacian We tuta, Wer, ve̱ yevese ada. Sela.

Upasalmi 65:5

Ka sha akaacieryol man U rumun se sha perapera ye, We, Aôndo u myem wase, We u akighir a tar cii ve veren ishima sha a We ne, kua uzegembamngerev mba ve lu ca la kpaa;

Yesaia 11:5

Perapera una lu kwange Na u shin iwenge man mimi una lu kwange Na u hen uya.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Mateu 11:29

Tôô nen igbur Yam sha ayol a en, va hen nen kwagh sha ikev Yam, gadia M ngu ishima legh legh, man M kehen ityough kpaa ga, tsô né zua a mmem ken asema a en;

Luka 19:27

Kpa mbaihomov av mbala mba ve rumun er m̱ lu tor ve ga la yô, va nen a ve heen, va wua nen ve sha ishigh yagh.

YOHANE 1:17

Gadia i na atindiakaa a va sha ikev i Mose, kpa mrumun u sha mhôôn man mimi yô, gema ka ken Yesu Kristu ve va ye.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

2 Mbakorinte 10:1

Mo Paulu iyol yam m ngu zamber a ven sha ishima i legh legh man ishima i sar sar i Kristu, mo u m lu or u cian kwagh sha ishigh yenegh zum u m lu a ven la, kpa ka mea lu a ven her ga yô, m hingir u cihin kwagh.

1 Mbatesalonika 1:5

Gadia ivangeli yase va her a ven, lu sha kwaghôron tseegh ga kpa lu sha agee man sha Icighan Jijingi man gbar gbar kpishi je. Ne fa anzaior a se lu her atô wen sha ci wen yô.

1 Mbatesalonika 2:13

Sha ci u kwagh ne nahan yô, se mba sughun Aôndo gbem gadia zum u ne ngohol kwaghôron u Aôndo u ne ungwa hen vese la yô, ne rumun un er ka kwaghôron u ior ga, kpa er ka kwaghôron u Aôndo man kape i lu kpaa je la, u a eren tom ken a ven, ne mba ne ne jighjigh la.

2 Timoteu 3:1

Ken masetyô yô, anmgbianev, eren nen msen sha ci wase, kwaghôron u Ter a̱ samber fefa, a̱ zua a icivir er i lu ken ven nahan,

Mpase U Yohane 11:18

Akuraior yuwe kpa iyugh You gema va man shi shighe u á ôr mbakpenev ijir, man shighe u á na mbatomov Ou injar, ka uprofeti man uicighanmbaiorov, man mba ve cie iti You, mbavesen kua mbakiriki la, man shi shighe u á tim mba ve lu vihin tar la kpaa.

Mpase U Yohane 19:11

Tsô m nenge Sha lu ivegher, nenge, nyinya u pupuu lu. Un u A tema sha mi la i yilan Un er Jighjigh man Mimi. Un er ijir sha perapera, shi nenge ityav kpaa.

Mpase U Yohane 20:15

Man aluer i nenge i nger or ken ruamabera u uma la ga yô, i kende nan ken berusu je.

Mpase U Yohane 6:2

M veren ashe yô, nenge, nyinya u pupuu lu. Un u a tema sha mi la, lu a ada; shi i na un tsar u sha ityou kpaa. A due, lu hemban, man lu sha u una hemba kpaa.