Upasalmi 45:2 - ICIGHAN BIBILO

² U hemba doon ashe a ônov mba iorov; akaaôron a doon nga dugh ken zwa Wou, ka nahan man Aôndo A ver U doo doo gbem sha won ye.

Upasalmi 45:2 Iomraidhean Croise

Upasalmi 21:6

Gadia U ver un Wer, a̱ lu a iveren i tsôron, U na un, a ember, saan un iyol sha ishigh You.

Anzaakaa 22:11

Or u ishima i wang i doo nan yô, u nan lu a kwaghôron u doon ken zwa u nan la, tor una hingir huror u nan.

Anzaakaa 5:2

sha er ú kusu m-er u sha inja, man zwa wou kpaa ú kura mfe.

I Solomon 2:3

Er kon u apel u lu ken ikon i ikôô nahan, kape u a doom ishima la a lu ken ônnomso la. M tema shin mure na, doom iyol kpekpe, atam a na nyohom ken zwa.

Yesaia 33:17

Ashe a ou aa nenge a Tor ken iengem Na, aa nenge tar u gbangese zan zan ca ca.

Yesaia 50:4

Ter AÔNDO nam nombor u ior mba henen kwagh, sha u Me fa er Me suwe wen u a ver la, sha kwaghôron yô. Hanma sev ka A nderem, ka A bughum ato er M̱ ungwa er ior mba henen kwagh nahan.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Sekaria 9:17

Mdoom vem gba ikôr, mdooashe ve kpaa vese gande! Samuyia ua er mbayevikaior man wain u he kpaa una er mbayevkasev vea gume.

Mateu 17:2

tsô i gema iyol Na sha ishiv vev; ishigh Nagh engem er iyange nahan, akondo Na kpaa kungu segh segh er iwanger nahan.

Luka 4:22

Tsô ve cii ve wuese Un, gba kpiligh ve iyol sha akaaôron a dedoo a a dugh ken zwa Na yô, ve kaa er: Shin ka Wan u Yosev ne ga ase?

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 7:46

Udugwer mbala gema kaa er: Mayange or ngu a ôr kwagh er Or ne nahan ga.

Mbaheberu 7:26

Gadia ka imbazegepristi ne i kom se ye; ka u wang, u lun a ibo ga, shin acôghol a wan iyol kpaa ga, u a lu paleghaa a mbaasorabo, man u i kende Un sha A kar Usha cii.