Upasalmi 44:3 - ICIGHAN BIBILO

³ Gadia lu sha sanker ve ayol a ve, ve ngohol tar la ga, man lu ikasewe ve, i war ve kpaa ga, kpa lu uwegh Ough ku yanegh a ikasewe You man iwanger i ishigh You, sha ci u doo U a ve yô.

Upasalmi 44:3 Iomraidhean Croise

2 Samuel 7:23

Ka hanma ikurior igen sha won i lu er ior Ou Iserael nahana, i Aôndo A za yem i er i̱ hingir ior Nav jim, sha u iti Na i̱ za sha won, man sha u Una er uzegembaakaav sha ci ve kua akaa a cieryol sha ci u tar Wou, sha ishigh ki ior Ou, mba U yem ve sha ci Wou ken Igipiti sha ikev i atôatyev man mbaaôndo veve?

2 Kroniku 20:7

Aôndo wase, ka We man lu U zenda mba ve tema ken tar ne sha ishigh ki ior Ou Iserael kera, man U gema u, U na tsombor u ikaru Aberaham gbem gaa?

Upasalmi 111:6

A tese ior Nav agee a ityom Na, sha er A ne ve dyako u atôatyev yô.

Upasalmi 17:7

Tese erdoo Wou u kpilighyol, We Oryiman u mba ve yer mbaihomov vev hen uwegh Ough ku yanegh yô.

Upasalmi 20:6

Hegen yô, m fa, TER ngu yiman u A shigh un mkurem la, Una rumun un sha icighanjiir Na u Sha, sha agee a sha uwegh Nagh ku yanegh ku yiman la.

Upasalmi 4:6

Ior kpishi mba kaan er: Ka an nana tese se kwagh u doono? TERE, kende a iwanger i ishigh You sha, sha a vese.

Upasalmi 42:11

Ishima yam ka nyi u lu zuduu, man ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa.

Upasalmi 42:5

Ishima yam, ka nyi u lu zuduu, man ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa.

Upasalmi 74:11

Ka nyi U hile a uwegh Ough ijime, uwegh Ough ku yanegha? Dugh ku ken vanger, tim ve kera!

Upasalmi 77:15

Ka sha uwegh ku ageegh U paa ior Ou ye, ka ônov mba Yakob man mba Yosev je la. Sela.

Upasalmi 78:55

A zenda akuraior sha ishigh vegh kera kpaa, A kar ve dyako sha a; A er ikwe i Iserael tema ken utenti vev.

Upasalmi 80:16

I nande u sha usu, i gber u; mba saan ishe sha myugh u ishigh You.

Upasalmi 80:9

U sôr u ijiir; u ta amise gbang gbang, u iv tar la;

Ekesodu 15:16

Iwondo man mciem haa ve iyol; sha mtaver u uwegh Ough, ve huan ving, er iwen yô, shighe u ior Ou lu karen la TERE, shighe u ior mba U yam la ve lu karen yô,

Yesaia 63:12

Wen u lu na uwegh Nagh ku icivirigh ku zan a uwegh ku yanegh ku Mose imôngo man A pav mngerem sha ishigh vegh, sha u Una er iti Na i̱ tsôr sha won;

Sekaria 4:6

Nahan a gema a kaa a mo er: Ngun ka kwaghôron u TER a Serubabel er: Ka sha agee ga, ka sha utaha kpaa ga, kpa ka sha Jijingi Wam, kape TER u akum a Sha A kaa ne.

Numeri 14:8

Aluer i doo TER a vese yô, Una nyôr a vese ken tar la, Una na se u; ka tar u atumbabua man iyough ve dumbur ken u.

2 Mbakorinte 4:7

Kpa se mba a kwagh u injaa ne ken ikav mbi inyaav; nahan agee a hemban la ka a Aôndo, ka ken vese a dugh ga.

Duteronomi 10:15

Gema ka uter ou, TER A pende ishima sha ve ye, ve doo Un ishima; ken akuraior cii, ka tsombor ve ken ijime ve A tsuwa u ye, ka ne je ne, er i lu nyian nahan.

Yosua 24:12

M tindi ahambe hemen, za zenda ve sha ishigh yenegh kera, ka utor mba uhar mba Mbaamor je la; lu sha sanker wou ga, lu sha ada wou kpaa ga.

Yosua 3:10

Shi Yosua kaa er: Ka sha kwagh ne man né fa er Aôndo u uma A lu a ven ye, man Una zenda Mbakanaan man Mbahiti man Mbahivi man Mbaperishi man Mbagirgashi man Mbaamor kua Mbayebushi sha ishigh yenegh kera, mimi je.

1 Samuel 12:22

Gadia TER Una gbihi ior Nav kera ga, sha ci u iti Na i vesen la; gadia doo TER u geman ne er ne̱ hingir ikurior Na iyol Na je.