Upasalmi 44:2 - ICIGHAN BIBILO

² U zenda akuraior sha uwegh Ough je; ve yô, U gema U môôr ve; U er ior mbala ican; ve yô, U gema u ngee ve.

Upasalmi 44:2 Iomraidhean Croise

2 Samuel 23:12

Kpa un yô, tile her atô u sule la, a sendegh her, a wua Mbafiliti; TER na mhembe u vesen.

2 Samuel 7:10

Shi Me ver ijiir sha ci u ior Av Iserael, Me môôr ve, sha u ve̱ tema hen ijiir ve ayol a ve, á kera num ve ga; ônov mba aferev kpaa vea kera za ve iyol er tsuaa la nahan ga,

Upasalmi 105:44

A gema ityar i akuraior, A na ve, ve ngohol akaa a ior lu yan ican sha mi yô,

Upasalmi 78:55

A zenda akuraior sha ishigh vegh kera kpaa, A kar ve dyako sha a; A er ikwe i Iserael tema ken utenti vev.

Ekesodu 10:2

man shi sha u, ú ôr sha ato a wan wou man wan u wan wou kpaa, akaa a M er Mbaigipiti, man uivande Av mba M er hen a ve, sha er ne̱ fa er Mo M lu TER yô.

Ekesodu 15:17

Ú nyôr a ve, Ú za môôr ve sha uwo u u lu dyako Wou la, ka ijiir i U gem i, i hingir ijiir You i teman her je la TERE, icighanjiir u ave Ou a ver un yô, TERE.

Ekesodu 15:19

Gadia anyinya a Farao a akeke na kua mbaanyinyav nav hungwa shin zegemnger cir ve; kpa Mbaiserael yô, per sha tareghnyaagh hen atô u zegemnger.

Ekesodu 23:28

Me na, ihambe ia vande hemen a we ia za zenda Mbahivi man Mbakanaan man Mbahiti sha ishigh you kera,

Ekesodu 34:11

Ver ishima sha kwagh u M we u nyian ne; nenge, M zenda Mbaamor sha ishigh you kera kua Mbakanaan man Mbahiti man Mbaperishi man Mbahivi man Mbayebushi kpaa.

Yesaia 51:9

Nder, nder wa agee iyol, we, uwegh ku TER; nder er sha ayange a atsuaa la nahan, a sha ikov i ngise la. Kera ka We U paa Rahabi avur avur, shi U kuma darakon kpaa gaa?

Yeremia 32:23

nahan ve nyôr, ve ngohol u; kpa ve wa imo You iko ga, man shi ve zende sha atindi a Ou kpaa ga; akaa a U kaa ve Wer, ve̱ er la cii, ve er ma kwagh môm ga; ka nahan man U ne kwaghbo ne cii a va tser ve ye;

Numeri 13:32

Shi ve ôr Mbaiserael akaavihin a sha kwagh u tar u ve za nenge u mker la, ve kaa er: Tar u se za u za nengen u mker la ka tar u u timin mba ve tem ken u yô; ior mba se nenge a ve ker cii ka ugôgômbaiorov je.

Duteronomi 32:7

Umbur ayange a ngise, ver ishima sha anyom a sha ikov ikov la; pine teru, a̱ kaa u, mbatamen ou kpaa, ve̱ ôr u.

Duteronomi 4:38

sha u Una zenda akuraior sha ishigh you kera a a hembe ngeen a we, shi a hembe u agee kpaa, sha u Una nyôr a we, Una na u tar ve, ú ya dyako sha u, er i lu nyian nahan.

Duteronomi 7:1

Zum u TER, Aôndo wou, Una nyôr a we ken tar u u ze sha u za ngohol u la yô, man Una zenda akuraior kpishi sha ishigh you kera, ka Mbahiti man Mbagirgashi man Mbaamor man Mbakanaan man Mbaperishi man Mbahivi man Mbayebushi, akuraior ataankarahar a a hembe u iyenge man agee kpaa yô,

Yosua 10:11

Tsô zum u ve lu yevese Iserael la, er ve lu senen hen soughsough u Bete-horon yô, TER ta ve uzegembaawombov mba ve due Sha zan zan za ar hen Aseka, nahan ve kpe; mba ve kpe akpoghol a awombo la hemba mba Iserael wua sha sanker la iyenge.

Yosua 10:42

Yosua ngohol utor mban cii kua tar ve icin i môm tsô, sha ci u TER, Aôndo u Iserael, nôngo ityav sha ci u Iserael yô.

Yosua 11:23

Kape Yosua ngohol tar cii la, sha kwagh u TER ôr a Mose cii; Yosua na Iserael dyako sha u, sha uipaven vev sha ikwe ve. Tar la maa mem ityav.

Yosua 21:43

Nahan TER na Iserael tar la cii, u A bum a uter vev er Una na ve u la; ve ngohol u, ve tema ken u.

Yosua 24:12

M tindi ahambe hemen, za zenda ve sha ishigh yenegh kera, ka utor mba uhar mba Mbaamor je la; lu sha sanker wou ga, lu sha ada wou kpaa ga.

Yosua 3:10

Shi Yosua kaa er: Ka sha kwagh ne man né fa er Aôndo u uma A lu a ven ye, man Una zenda Mbakanaan man Mbahiti man Mbahivi man Mbaperishi man Mbagirgashi man Mbaamor kua Mbayebushi sha ishigh yenegh kera, mimi je.

Mbaajiriv 6:13

Tsô Gidion gema kaa a na er: Ku! Terem, aluer TER Una lu a vese yô, er nan man akaa ne cii a tser se nahana? Man aeren a Na a kpilighyol cii nga hana, a uter asev lu ôr se la, er: Ka TER iyange due a vese ken Igipiti ye ga? Kpa ahegen yô, TER gbihi se, A gema se, A na sha ikev i Mbamidian.