Upasalmi 4:3 - ICIGHAN BIBILO

³ Fa nen, TER tsegha or u i doo Un a na la sha ci Na iyol Na. TER Una ungwa zum u me yila Un yô.

Upasalmi 4:3 Iomraidhean Croise

Upasalmi 31:23

TER, A̱ doo ne ishima, ne mba i doo Un a ven la cii; TER koson mbamimi, ne orgengeseyol injar i bo kpishi.

Upasalmi 34:15

Ashe a TER nga sha mbaperapera, A kegh ato sha u ungwan myer ve kpaa.

Upasalmi 49:3

Zwa wam ua ôr kwagh sha kwaghfan, mhen u ken ishima yam kpaa, una lu sha mkav.

Upasalmi 50:5

Kohol mba i doom a ve la imôngo her a Mo, ka mba ve ye ikur a Mo sha nagh ku sôngon je la.

Upasalmi 56:9

Tsô mbaihomov av vea hile ijime sha iyange i me yila la; m fa kwagh ne er Aôndo A te ikaa a mo yô.

Upasalmi 6:8

Kar nen hen a mo kera, ne cii mba ne eren ifer; gadia TER ungwa kweleghmlia wam.

Upasalmi 62:10

De suur nen sha mkighir ga, man shi de veren ishima sha u i ga. Aluer inyaregh kia seer yô, de veren ishima sha ki ga.

Ekesodu 33:16

Gadia ka sha nyi je man á fa er i doo U a mo kua ior Ou mbana? Kera ka sha mze u Ú za a vese imôngo la gaa? Ka nahan man mo kua ior Ou se lu kposo a ior mba ve lu sha won cii ye.

YOHANE 15:16

Ka ne ne tsoughom ga, kpa ka Mo je M tsough ne ye; man M ver ne sha er né za, né za ume atam yô, atam a en kpaa a̱ luun zan zan, sha er nyi ityôkwagh i ne sôn Ter ken iti Yam yô, Una er ne i.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:19

Kpa imagh ki Aôndo ki ki tenger ga la yô, ki tile her, ki a ikav ne: Ter fa mba Nav, man shi, hanma or u nan teren iti i Ter yô, nana̱ pav a ifer.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

2 Peteru 2:9

Nahan mba ve civir Aôndo la Ter fa u yiman ve ken imeen, shi A fa u kuran mbaaferev zan zan á ar sha iyange i ijirigh la, sha u tsahan ve.