Upasalmi 39:12 - ICIGHAN BIBILO

¹² TERE, ungwa msen wam, ver ato er m yer U yô, de ongom ato sha mliam am ga, gadia m ngu orvannya hen a We, man shiror er uter av cii nahan.

Upasalmi 39:12 Iomraidhean Croise

Genese 21:34

Aberaham lu shir ken tar u Mbafiliti ayange kpishi.

Genese 47:9

Yakob kaa a Farao er: Ayange a anyom a shir wam, nga anyom deri man ikundugber; ayange a anyom a uma wam vese ga, ican lu eren mo sha a, a kuma sha ayange a anyom a uma a uter av sha ayange a shir ve la kpaa ga.

2 Samuel 16:12

Alaghga Aôndo Una nenge ican yam, man TER Una gema á er a mo dedoo sha ci u ityuhwanev mbi a tohom nyian ne.

2 Utor 20:5

Hide, za kaa Hesekia, orhemenegh u ior Av wer: TER, Aôndo u teru Davidi, ngu kaan nahan er: M ungwa msen wou, M nenge mliam ou kpaa; yô, Me bee u angev; sha iyange i sha utar la ú kôndo ú za sha iyou i TER.

1 Kroniku 29:15

Gadia se mba mbavannya man ushirmbaiorov sha ishigh You er uter asev cii lu nahan; ayange ase a sha won kpaa nga er mure nahan, ishimaverenkeghen kpaa kera ngi ga.

Yobu 13:28

Man gema ka or u saan ishe er kon u u venge nahan, man er ikondo i ivina i ye i yô.

Yobu 16:20

Akar a am nga nahan mo tar; ishe yam ngi vaan a Aôndo,

Upasalmi 102:1

TERE, ungwa msen wam, mliam am ma ma nyer her a We.

Upasalmi 116:3

Ikor i kuugh kasem, mcieryol u Sheol tserem, m zua a ican man mzungu.

Upasalmi 119:19

M ngu shiror shin tar; de yeren mo atindi a Ou ga.

Upasalmi 119:54

Akaawan a Ou hingir mo atsam a wan, hen ya u m lu shiror her la.

Upasalmi 56:8

U ôr iyenge i ayem a am cii; haa mliam am ken ishegh You; kera ka ken ruamabera Wou ma lu gaa?

Upasalmi 90:9

Gadia ayange ase cii nga karen been sha iyugh You, anyom ase nga karen been er ishimashirin nahan.

Levitiku 25:23

I̱ de teen inya la i̱ saan ga; gadia ka inya Yam, gadia ne mba mbavannya man ushirmbaiorov Av.

2 Mbakorinte 5:6

Nahan yô, ishima taver se gbem, se fa, er se lu ken iyol heregh yô, se kera mba ken Ter ga.

Mbaheberu 11:13

Ka ken jighjigh u nan man mban cii ve kpe ye, ve lu a ngohol uityendezwa ga, kpa ve nenge a ve ken ica, ve ember ve, ve pase gbar gbar er ve lu mbavannya man ushirmbaiorov shin tar yô.

Mbaheberu 5:7

Sha ayange a Yesu lu ken mlu u or la yô, A eren mbamsen man uzamber sha imo i genger genger man shi a mliam ashe kpaa. A sôn Un u A fatyô u yiman Un ken ku la, man i ungwa Un kpaa sha ci u mcieaôndo Na la.

1 Peteru 1:17

Man aluer ne yilan Un er Ter yô, Un u A er ijir i lu sha msange u sha dooshima ga kpa i lu sha ieren i hanma or yô, lu nen a mciem sha ayange a shir wen.

1 Peteru 2:11

Ne mbadoon mo ishima, ne mba ne lu ushirmbaiorov man iorvannya kpaa, m ngu zamber a ven mer: Nyagh nen asaren a iyolough a a nenge ityav a uma u ken ishima la.