Upasalmi 36:3 - ICIGHAN BIBILO

³ Akaaôron a nan a ken zwa u nan ka a ifer man a icughugh kpaa; nan undu mfe nan de u eren dedoo kpaa;

Upasalmi 36:3 Iomraidhean Croise

2 Samuel 22:22

Gadia m wa igbenda i TER iko, m undu Aôndo wam sha u eren ifer ga.

2 Kroniku 20:32

A zende sha gbenda u ter na Asa, a kaha a undu u ga, a lu eren kwagh u jighilii sha ishigh ki TER.

Upasalmi 10:7

Zwa na mgbough a ityuhwanev man icugh man mkighir; kwaghbo man kwagh u ifer ve lu un shin nombor.

Upasalmi 125:5

Kpaa mba ve hulugh ve yem uihurenmbaigbendav vev yô, TER Una due a ve kera a mbaerenifer imôngo. Bem a̱ lu sha Iserael! Ka icam i zan iniongo

Upasalmi 140:3

Ve hor iniombor ve er ka i iyô nahan, megh ku igbindegh ku ve sha ijô.

Upasalmi 5:9

Gadia zwa ve ngu a kwagh u mimi ga; ken atô ve yô, ka ifer tsô; gôngor ve ka uwar u lun ivegher; nombor ve u leghem tsô.

Upasalmi 55:21

zwa na leghem er ka ahôm a bua yô, kpa ishima na yô, ka ityav tseegh; akaaôron na hemba leghem a mkurem, nahan kpaa ka usanker mba i tsough yô.

Upasalmi 58:3

Mbaaferev due paleghaa ken uya je, er i mar ve je, tsô ve hii u tsumen sha aie u eren.

Upasalmi 94:8

Ver nen ishima ne ior mbalanenkwagh; man ne abumeaior yô, ka hanma iyange je né fa kwagha?

Anzaakaa 4:16

Gadia mba gbe yaven ga, saa ka ve vande eren kwaghbo; mnyam vem kpaa mba gbe yaven ga, saa ka ve vande nan or gbev kpee.

Yeremia 4:22

Gadia ior Av lan kwagh, ve fam ga; ka ônov mba lanen kwagh, mba a mkav ga; ve fa u eren iferkwagh, kpa u eren kwagh u dedoo yô, ve fa ga.

Hosea 8:3

Iserael gbihi kwagh u dedoo kera; mbaihomov vea tôv un ityô.

Sefania 1:6

man mba ve hir ijime sha u dondon TER, mba ve keren TER ga, shin ve pin Un kwagh kpaa ga la.

Mateu 22:35

Tsô u môm ken ve, lu orfanatindi, pine Un sha u karen Un, kaa er:

Luka 11:25

Una va aren yô, a kohol un, i ese, i sôr doo doo kpaa.

Mbaheberu 10:39

Kpa se yô, se mba mbahirenjime sha u za saan ishe ga, kpa se mba mbananjighjigh sha er uma una war yô.

1 Yohane 2:19

Ve due ken vese, kpa ve lu mba ken a vese ga, gadia vea lu mba ken a vese yô, ma ve lu a vese heregh, kpa ve due sha u á pase er i lu ve cii ve lu ken vese ga yô.

1 Samuel 15:26

Kpa Samuel venda a Saulu er: Me hide a we imôngo ga, gadia u venda kwaghôron u TER, nahan TER kpaa venda u u shi lun tor u Iserael.

1 Samuel 16:14

Kpa Jijingi u TER due hen Saulu kera, TER gema tindi jijingi u bo lu haan un mciem iyol.

1 Samuel 18:21

Saulu kaa er: Me na un un, a̱ hingir kwagh u hônon un a min, uwegh ku Mbafiliti ku̱ lu ihom a na. Ka nahan man Saulu kaa a Davidi er: Nyian ka kwa har je, u lu wan wam kem ne.

1 Samuel 26:21

Tsô Saulu kaa er: M er kwaghbo; hide wan wam Davidi, gadia me kera er u kwagh u vihin mayange ga, sha er uma wam a lu u a inja yum nyian nahan; nenge m bume, m nzughul kwagh kpishi je.