Upasalmi 34:4 - ICIGHAN BIBILO

⁴ M ker TER, A ungwam, A maa A dughum ken mciem am cii.

Upasalmi 34:4 Iomraidhean Croise

2 Kroniku 15:2

nahan a mough a za kegh Asa gbenda; a kaa a na er: Ungwam nen, we Asa, kua Yuda cii man Benyamin; TER ngu a ven, er ne lu a Na yô; aluer né ker Un yô, né zua a Na je; kpa aluer né undu Un yô, Un kpaa Una undu ne.

Upasalmi 18:6

Ken mkighir u i kighir mo ne, m yila TER; m genger, imo, m yila Aôndo wam. A ungwa imo yam ken tempel Na, mliam am ma m vaa a Na la nyôr ken ato Na.

Upasalmi 22:24

Gadia A laha shin A nyagh ican i or u ican i tser nan ga, yeren nan ishigh nagh kpaa ga. Kpa zum u nan genger imo nan yila Un la yô, A ungwa.

Upasalmi 31:22

Mo yô, er i kondom iyol yô, m kaa mer, m ndiir We ashe, nahan kpaa, U ungwa imo i uzamber av, er m yer U yô.

Upasalmi 35:27

Ve̱ er ikenge sha iember, ve̱ lu saan saan, ve mba perapera wam a doo ve la, ve̱ zer kaan er: TER hemba cii, u i doo Un a mkpeyol u wanakiriki Na.

Upasalmi 40:17

Kpa mo m ngu icanor, oribanave kpaa, nahan kpaa, Ter ka A umbur mo; ka We U lu iwasen yam man Or u yimam mo kpaa ye, de ngôôr ga, Aôndo wam! Ngun ka sha ci u orhemen u mbawanatsam. Ka Pasalmi u Davidi

Upasalmi 46:2

Ka nahan man se cie ga ye, shin tar ua tenger kpaa, shin iwo ia môgh, ia za gba shin atô u zegemnger kpaa;

Upasalmi 56:3

Sha iyange i mciem maa tserem yô, me suur sha a We,

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yona 2:2

A kaa er: M yila TER ken ican yam ne, man A ungwa imo yam; m genger imo ken iyav mbu Sheol je, U ungwa imo yam kpaa.

Mateu 7:7

Sôn nen, á na ne; ker nen, né zua a mi; mande nen uwegh sha katsor á bugh ne.

Luka 11:9

Man M kaan ne: Sôn nen, á na ne; ker nen, né zua a mi; mande nen uwegh, á bugh ne.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:7

Gadia ka jijingi u cian kwagh, Aôndo a ne se ga, kpa ka u ageegh man u dooshima man u kôron iyol tsaha.

Mbaheberu 5:7

Sha ayange a Yesu lu ken mlu u or la yô, A eren mbamsen man uzamber sha imo i genger genger man shi a mliam ashe kpaa. A sôn Un u A fatyô u yiman Un ken ku la, man i ungwa Un kpaa sha ci u mcieaôndo Na la.

1 Samuel 27:1

Nahan Davidi kaa ken ishima na er: Iyange igen me kpe sha ikev i Saulu; guda me yevese me yem ken tar u Mbafiliti, nahan Saulu una hunde ishima a mo, ken tar u Iserael cii, una kera kerem ga; ka nahan man me war sha ikev na ye.