Upasalmi 34:12 - ICIGHAN BIBILO

¹² Ka anti je uma a sar nan, man nan soo u tsan sha won, sha er nana nenge a akaa a dedoo?

Upasalmi 34:12 Iomraidhean Croise

Genese 49:2

Kohol nen, ungwa nen, ne ônov mba Yakob; ver nen ato sha ter wen Iserael.

Yobu 33:33

A lu nahan ga yô, we ver ato her a mo, huan ving, mo me tese u kwaghfan.

Yobu 7:7

Umbur er uma wam a lu humbe yô; ashe am kpaa aa kera nenge a kwagh u doon mayange ga.

Upasalmi 21:4

A sôn U uma, U na un je; ka ayange a ngeen gbem sha won je.

Upasalmi 4:6

Ior kpishi mba kaan er: Ka an nana tese se kwagh u doono? TERE, kende a iwanger i ishigh You sha, sha a vese.

Upasalmi 91:16

Me na un ayange a tsan sha won, je, á kuma un gbing gbing, Me pase un myom Wam kpaa. Ka Pasalmi. Ka icam i sha Lahadi

Anzaakaa 4:20

Wan wam ver ishima sha akaaôron a am; ver ato sha mkaanem am;

Anzaakaa 7:24

Hegen yô, ônov, ver nen ato her a mo, wa nen kwaghôron u sha zwa wam iko.

Anzaakaa 9:10

Mcie u cian TER ka mhii u kwaghfan je la, mfe u fan u A lu Icighan la kpaa ka mkav je.

Orpasenkwagh 12:13

Ngun ka mkur u kwagh, u i vande ungwan la cii: Cia Aôndo, waan atindi Na iko; gadia ngun ka kwagh u ior cii ma ve er je ne.

Orpasenkwagh 2:3

M time ken ishima yam, m ker gbenda u mea er man á kpem iyol sha wain, er ishima yam lu zan a mo sha kwaghfan heregh yô, man er mea er man me kôr lanegh, zan zan me kar nengen kwagh u a doo u ônov mba iorov vea er sha won sha ayange a uma ve cii yô.

Orpasenkwagh 3:13

Man shi er hanma or nana̱ ya kwagh, nana̱ ma kwagh, i̱ doo nan iyol ken tom u nan ye ican sha mi la cii; kwagh ne ka iwua i Aôndo je.

Duteronomi 30:20

er TER, Aôndo wou, A̱ doo u ishima, u̱ ungwan imo Na, u̱ var a Na, gadia ka uma wou man ayange ou a ngeen je la, sha er u̱ tema ken tar u TER bum a uter ou, Aberaham man Isaka man Yakob, er Una na ve u la.

Duteronomi 6:2

sha er u̱ cia TER, Aôndo wou, u̱ waan akaawan a Na iko cii, a m we u a, we man wan wou man wan u wan wou sha ayange a uma wou cii, sha er á seer we ayange yô.

1 Samuel 12:23

Kpa mo yô, mayange me er TER kwaghbo ga, sha u den u eren msen sha ci wen la; kpa me zer tesen ne gbenda u dedoo kua u mimi gbem.