Upasalmi 33:3 - ICIGHAN BIBILO

³ Wa nen Un icam i he, kuhwa nen dedoo, i̱ kaa kpishi.

Upasalmi 33:3 Iomraidhean Croise

1 Kroniku 13:8

Davidi kua Iserael cii ve lu vinen amar sha ishigh ki Aôndo sha agee a ve cii, a icam zwa man umolo man mbaadiguve man anigingav man ukwen kua ukakaki.

1 Kroniku 15:22

Man Kenania, orhemen u Mbalevi lu tesen er i̱ wa icam sha inja, gadia a fa kwagh la dedoo.

1 Kroniku 25:7

Kohol iyenge ve cii a anmgbianev vev imôngo, mba i tese ve atsam a wan wuese TER, ka mba ve fa dedoo je la, ve lu deri uhar man akunduanyiin kar anigheni.

2 Kroniku 34:12

Ior mbala er tom sha ishima i môm; mbanengen sha a ve la yô, lu: Yahati man Obadia, ka Mbalevi mba ken ônov mba Merari je la; man i ver Sekaria man Meshulam, mba ken ônov mba Kohati, er ve̱ hemen ve. Mbalevi mba ve fa u kuhwan ityougholov doo doo yô,

Upasalmi 144:9

Me wa U icam i he, Aôndo; ka sha adiguve u ingyanyinya pue me wa atsam a wuese We ye,

Upasalmi 149:1

Haleluya. Wa nen icam i he i wuese TER, wuese Un ken mkohol u uicighan Nav la.

Upasalmi 40:3

A na, m dugh icam i he, ka icam i wuese Aôndo wase je la. Ior kpishi vea nenge, vea cia, vea suur sha TER.

Upasalmi 40:4

Saan or u nan suur sha Aôndo la iyol, man nan veren ashe hen mbagengeseyol, shin hen mba ve kaha ve dondo aie la ga.

Upasalmi 96:1

Wa TER icam i he, wa TER icam, we, tar cii!

Upasalmi 98:1

Wa nen TER icam i he, gadia A er akaa a kpilighyol je; uwegh Nagh ku yanegh man icighanikasewe Na, na Un mhembe.

Yesaia 42:10

Wa nen TER icam i he, iwuese Na i̱ hii sha ikighir i tar je, ne mba ne zenden sha zegemnger man akaa a a lu shimi cii kpaa; man ne ityar i hen kpezegemnger kua mba ve tem sha i.

Mbaefese 5:19

Ôron nen kwagh ayol a en sha upasalami man atsam man amo a gberen a ken jijingi, man dugh nen amo, waan nen Ter atsam ken asema a en.

Mbakolose 3:16

Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

Mpase U Yohane 14:3

Ve lu wan icam i he sha ishigh ki ikônough ki torough kila man sha ishigh ki akaauma a anyiin la man mbatamen kpaa. Ma orgen fatyô u rumun icam la ga, saa di mba dubu deri man akunduahar kar unyiin mbala mba i paa ve shin tar la tseegh.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,