Upasalmi 33:16 - ICIGHAN BIBILO

¹⁶ Ma tor nan wer sha ikumutya i vesen ga, ortaveryol kpaa nan wer sha mvese u agee a nan ga.

Upasalmi 33:16 Iomraidhean Croise

1 Utor 20:10

Benhada shi tindi un loho er: Mbaaôndo ve̱ er a mo nahan shi i̱ hemba nahan kpaa, aluer alôgh a Samaria aa kuma ior mba ve dondom cii, er vea iv akevaveegh a mi yô.

1 Utor 20:15

Tsô a ôr iyenge i mbayev mba atiator a uipaven la, ve lu ior deri uhar man ikundugber kar uhar; ken ijime ve yô, a ôr iyenge i ior cii, ka mba Iserael cii je la, ve lu ior dubu utaankaruhar je.

2 Kroniku 13:8

Hegen yô, ne mba henen ner, ne fatyô u hendan a tor u TER, u a lu sha ikev i ônov mba Davidi, gadia ne mba ikumior i vesen je, man ne mba a anibuav mba zenaria mba Yerobiam er ne, er ve̱ hingir ne mbaaôndo la.

2 Kroniku 20:12

Aôndo wase, Ú shi ôr ve ijir gaa? Gadia se mba a agee sha ikpelaior i vesen i i ve ityav hen vese ne ga, man se kera fa kwagh u sé er ga, kpa ashe ase nga sha awe.

2 Kroniku 20:23

Gadia Mbaamon man Mbamoabi, ve mough ityav a ior mba ve tem sha uwo u Seir la, er vea wua ve, vea tim ve purututu. Tsô, zum u ve wua ior mba ve tem sha Seir la, ve bee yô, ve gema ve gba timin ayol a ve.

2 Kroniku 32:21

Nahan TER tindi ortyom, va tim anomaior a ageegh man mbahemenev mba ukurmbautyav ken afo a tor u Ashiria. Tsô a hide hen ya na a kunya. Zum u a nyôr ken iyou i aôndo na yô, mba a mar ve iyol na je, ve wua un ker, sha sanker.

Yobu 36:7

A tôô ashe Na sha mbaperapera kera ga; kpa A ver ve, ve tema a utor imôngo sha ikônough ki torough gbem, i kende ve sha kpishi.

Yobu 39:11

Ú suur sha i er i lu a agee yum yôô? Shin ú wa i tom wou sha ikeve?

Upasalmi 20:8

Ve yô, i shiligh a ve inya, ve gba; kpa se, se mough, se tile sha.

Upasalmi 44:3

Gadia lu sha sanker ve ayol a ve, ve ngohol tar la ga, man lu ikasewe ve, i war ve kpaa ga, kpa lu uwegh Ough ku yanegh a ikasewe You man iwanger i ishigh You, sha ci u doo U a ve yô.

Ekesodu 14:28

Mngerem hide her, uve akeke kua mbaanyinyav, ka ikumutya i Farao cii, i i cir ve ijime shin zegemnger je la; mô ve môm kera shi ga.

Orpasenkwagh 9:11

M shi m gema, m nenge shin tar, ayem a gban ka or u fefa nan hembe ga, ityav kpaa ka or u taver nan hembe ga, kwaghyan kpaa ngu sha ci u mbafankwagh ga, inyaregh kpaa ki sha ci u mbakavenkwagh ga, icivir kpaa ngi sha ci u mbahemban fan kwagh ga; gadia shighe man aikôr mba ve sha gbenda ve cii.

Yeremia 48:14

Ka nyi man ne kaan ner: Se mba mbaageev man anomaior a utya?

Yeremia 9:23

TER ngu kaan nahan er: Orfankwagh a̱ de te ihagh sha kwaghfan u nan ga, orageegh kpaa a̱ de te ihagh sha agee a nan ga, ornyar kpaa a̱ de te ihagh sha inyaregh ki nan ga;

Hosea 10:13

Ne kaha kwaghbo ne sunda iferkwagh, ne ya atam a mbaaie; gadia u suur sha gbenda wou, ka sha mngee u ior ou mba ageev.

Amoshi 2:14

Or u wan kpaver kpaa, ayem á nunde nan, orageegh nana kera fatyô u eren kwagh sha agee a nan ga, orutaha kpaa nana kera fatyô u waren uma u nan ga;

Amoshi 2:15

orkerenivaan kpaa nana kera tile ga; u nan eren kpaver shin angahar kpaa nana war ga; orhendan nyinya kpaa nana yima uma u nan ga;

Yosua 14:12

Hegen yô, nan uwo ne, u TER ôr kwagh u u sha iyange la, gadia sha iyange la je u ungwa er Mbaanaki lu ker yô, man agar a vesen a lun a ugir je; alaghga TER Una lu a mo, me zenda ve kera er TER A kaa yô.

Mbaajiriv 7:2

Tsô TER kaa a Gidion er: Ior mba ve lu a we ne ngeem yum, Me fatyô u nan Mbamidian sha ikev ve ga, sha er Iserael a̱ de te ihagh a Mo a̱ kaan er: Ka uwegh agh iyol yam ku yemem ye, ga.

Mbaajiriv 7:4

Tsô TER kaa a Gidion er: Nahan kpaa ior shi ngee heregh; yô, za a ve hen mnger, Me za sange u ve her; yô hanma or u Me kaa a we Mer: Ngun a̱ za a we ityô yô, ka nan je nana za a we ye; kpa hanma or u Me kaa a we Mer: Ngun a̱ de ze a we ga yô, nana̱ de ze ga je.

1 Samuel 17:4

Tsô nomor u agbende agbende due ken afo a Mbafiliti, iti na er Goliati u Gati; ityaven na kuma aseva ataratar cir tiôn.

1 Samuel 2:9

Una kula angahar a uicighan Nav, kpa mbaaferev yô, vea saa ken ime; gadia a lu sha agee yô, ma or môm nana hemba ga.