Upasalmi 33:10 - ICIGHAN BIBILO

¹⁰ TER bundu kwaghhenen u akuraior, ka A gema mbamhen mba iorov ve hingir gbilinkwagh.

Upasalmi 33:10 Iomraidhean Croise

Genese 11:8

Nahan TER va num ve heregh, sambe ve sha tar cii wue wue, man ve de u maan zegegar la.

2 Samuel 15:31

Er i va kaa Davidi er: Ahitofel kpaa ngu a mba ve zough zwa a Abesalom la imôngo yô, Davidi kaa er: TERE, shi gema mhen u Ahitofel, a̱ hingir ibumegh.

2 Samuel 15:34

kpa aluer ú hide ken gar, ú za kaa a Abesalom wer, me hingir wanakiriki wou tor; er m vande lun wanakiriki u teru nahan, kape me gema me lu wanakiriki won hegen ne; nahan yô, ú bundem mhen u Ahitofel la.

2 Samuel 17:14

Tsô Abesalom kua ior i Iserael cii ve kaa er: Mhen u Hushai Orarkiti ne, hemba mhen u Ahitofel. Gadia TER ver u i̱ bunde mhen u injaa u Ahitofel la, sha er TER Una va a kwaghbo sha Abesalom yô.

2 Samuel 17:23

Zum u Ahitofel nenge i er sha mhen na ga yô, a kange jaki na shidi a mough a hide ken ya, ken gar na, a sôr akaa ken ya na, tsô a sende iyol na, a kpe, i ii un shin uwar u ter na.

2 Utor 6:9

Tsô or u Aôndo tindi tor u Iserael loho, a kaa er: Ver ishima de karen hen ijiir i nahan la ga, gadia Mbashiria mba van her.

Nehemia 4:9

Kpa se yô, se sôn Aôndo wase, shi se ver mbakuran atetan man tugh sha ci u kwagh ve la, sha u yangen ve.

Upasalmi 140:8

TERE, de rumun Wer, i̱ er sha asaren a iferor ga, de rumun mhen na u ifer la Wer, a̱ due vough ga, sha er vea kende ayol a ve sha ga yô. Sela.

Upasalmi 21:11

Gadia ve wa ifer ishima a We; ve hen ken ishima sha u hônon kwagh u vea fatyô u eren ga yô.

Upasalmi 9:15

Akuraior gba shin ihungwa i ve tim yô, ka ken kper u ve we la angahar a ve a cimin ye.

Anzaakaa 21:30

Ma mfe shin mkav shin mhen u hendan a TER, ngu je ga.

Yesaia 19:3

Jijingi u Igipiti una vôr ken vanger. Me vihi awashima na kera, una hingir gbilin; vea hen kwagh a akombo man a mbayangenakombo man a ujijingi mba mbakpenev kua ujijingi mba tsengan pasen akaa.

Yesaia 44:23

Ember nen, ne Usha, gadia ka TER A er nahan ye; er nen ikenge, ne ajiir a zan a shin tar; ger nen atsam a wan, ne iwo, man we ikô, a hanma kon u kimi cii, gadia TER paa Yakob, Una pase icivir Na ken Iserael.

Yesaia 44:25

M bundu uivande mba uprofeti mba aiev, M gem mbakpehenasor ve hingir abumeaior; M hir a mbafankwagh ijime, M gem kwaghfan ve a hingir ibumegh.

Yeremia 19:7

Me vihi mhen u Yuda man Yerusalem hen ijiir ne, Me na, vea kpe ku u sha sanker sha ishigh ki mbaihomov vev, man sha uwegh ku mba ve keren uma ve yô; Me na akom a ve kpaa, aa hingir kwaghyan u inyon i Sha man u ishôso i shin tar kpaa.

Esekiel 20:32

man kwagh u ne lu henen la kpaa una er je ga; u ne kaa ner: Sé lu nen er akuraior nahan, er uipaven mba ior mba icombor i sha won yô, sha u civir kon man iwen.

Malaki 1:4

Shin er Edom a kaan er: I hembe se, nahan kpaa sé hide, sé shi se maa ajiir a a hingir atse la, TER u akum a Sha gema ngu kaan nahan er: Vea maa, kpa Mo Me yôhôl; ior vea yilan ve er: Tar u ifer, man ior mba ishima i vihi TER a ve gbem sha won yô.