Upasalmi 31:3 - ICIGHAN BIBILO

³ Gadia ka We, U lu barwo wam, man garutya wam kpaa ye; nahan yô, hemen mo man tesem gbenda sha ci u iti You.

Upasalmi 31:3 Iomraidhean Croise

Nehemia 9:12

Man shi U hemen ve sha ityôgh ki ibeenegh atetan man sha ityôgh ki usugh tugh, sha u nan ve iwanger sha gbenda u vea za yô.

Nehemia 9:19

nahan kpaa sha mhôônom Ou ma zungwen kpishi yô, U undu ve ken desereti ga; ityôgh ki ibeenegh kpaa kar sha ityouv vev kera ga, sha u hemen ve gbenda atetan, man ityôgh ki usugh kpaa kar kera ga, sha u tesen ve iwanger man gbenda u vea zaan a mi tugh yô.

Upasalmi 102:3

gadia ayange am nga saan kera er mnyim nahan, akuhe am hia er kwagh u usu u ker sha min yô;

Upasalmi 116:2

Er A ver ato hen a mo yô, nahan me yila Un sha ayange a m lu uma yô.

Upasalmi 139:24

nenge, shin ma gbenda u ifer a lu ken a mo yô? Hemen mo sha gbenda u tsôron. Ngun ka sha ci u orhemen u mbawanatsam. Ka Pasalmi u Davidi

Upasalmi 18:2

TER ka vande wam man garutya wam, man Oryiman wam kpaa, ka Aôndo wam, vande wam u taver, ka sha a Na me suur ye, ka perutya wam man korough ku myom wam, man barwoogh wam kpaa.

Upasalmi 25:11

Sha ci u iti You yô, TERE, dem iferkwagh yam, gadia i vese.

Upasalmi 25:5

Hemen mo ken mimi Wou, tesem, gadia ka We, U lu Aôndo u myem wam ye; ka We m shi veren ashe We didi ye.

Upasalmi 25:9

Una hemen mbaasemaleghlegh sha u eren jighilii; Una tese mbaasemaleghlegh gbenda Na.

Upasalmi 43:3

Tindi iwanger You kua mimi Wou, ve̱ hemen mo; ve̱ za a mo sha icighanwo Wou, man hen ajiir a U tem la.

Upasalmi 71:3

lum vande u teman ker, henpe me zer nyôron gbem yô; ka We U kaa Wer, m̱ war ye, gadia ka We U lu barwo wam man garutya wam kpaa ye.

Upasalmi 79:9

Wase se, Aôndo u myem wase, sha ci u icivir i iti You; yima se, ese se asorabo ase kera sha ci u iti You.

Yesaia 49:10

Ijen ia kôr ve ga shin imura kpaa ga; mtsee u ahumbe a tseen man oo kpaa ua ta ve ga; gadia u A zungu ve mhôônom la, Una hemen ve, Una hemen ve gbenda, Una za a ve hen amboramnger.

Yeremia 14:7

Shin er aferakaa ase a lu pasen se nan se ibo, nahan kpaa, er kwagh sha ci u iti You TERE, gadia mbamhirjime asev ngee; ka We se er U kwaghbo ye.

Luka 1:79

sha u tan sha mba ve tem ken ime man ken mure u kuugh la kpaa, man shi sha u kôôm angahar ase zan a mi sha gbenda u bem kpaa.

YOHANE 16:13

Kpa zum u Un, Jijingi u mimi la, Una va va yô, Una hemen ne Una za a ven ken mimi cii; gadia Una gba ôron kwagh sha tahav Nav ga, kpa nyityô kwagh i Una ungwa yô, ka i je Una ôr ye, shi Una pase ne akaa a a lu van ken hemen la kpaa.

Mbaefese 1:12

Ka sha u se̱ lu sha ci u icivir i iengem Na, se mba lu se vande veren ishima u keghen Kristu la.

Yosua 7:9

Gadia Mbakanaan man mba ve tem ken tar ne cii vea ungwa gwa yô, vea va kase se, vea ese iti yase sha won kera; tsô Ú er nan a Iti You i hembana?