Upasalmi 30:5 - ICIGHAN BIBILO

⁵ Gadia iyugh Na ngi sha anshighe kpeghee tsô, mrumun Na yô, ngu zan zan ayange a uma u or cii; mliam ma haan ka ma tsa tugh, kpa pepe yô, a lu iember.

Upasalmi 30:5 Iomraidhean Croise

Genese 32:24

Yakob mase lun her tswen; tsô or va nôngo wav a na zan zan sev sôôn aven.

Upasalmi 103:17

Kpa erdoo u TER yô, ngu sha mba ve cie Un hii sha uicôronmbaashighev zan zan gbem sha won; perapera Na kpaa ngu zan zan sha ônov mba ônov je,

Upasalmi 103:9

zehe gbem ga, ishima i nyoon Un gbem kpaa ga.

Upasalmi 143:8

Erem m̱ ungwa erdoo Wou pepe, gadia ka sha a We m suur ye. Tesem gbenda u me za yô, gadia ka sha a We m veren ishima ye.

Upasalmi 145:10

Ityom You cii ia wuese We, TERE; mba i doo U a ve la, vea wuese We;

Upasalmi 16:11

Ú tesem gbenda u uma; msaanyol mgbough sha ishigh You, uishar mba haan iyol mba ken uwegh Ough ku yanegh gbem sha won.

Upasalmi 46:5

Aôndo ngu ken atô na je, una tenger ga; Aôndo Una wase un pepe pepe je.

Upasalmi 47:7

Gadia Aôndo ka Tor u tar cii; wa nen atsam a wuese ken pasalmi u ityesen.

Upasalmi 59:16

Kpa mo yô, me wa icam i teren agee a Ou; een, pepe me wa icam me ember erdoo Wou, gadia ka We, U lum gôgôyou ye, ijiir yam i yeren sha iyange i ican i tserem la.

Upasalmi 63:3

Gadia erdoo Wou doo, hemba uma; zwa wam ua wuese We.

Upasalmi 97:12

Ember nen ken TER, ne mbaperapera, sugh nen icighanti Na. Ka Pasalmi

Ekesodu 3:15

Shi Aôndo kaa a Mose er: Kaa Mbaiserael nahan wer: TER, Aôndo u uter enev, Aôndo u Aberaham man Aôndo u Isaka man Aôndo u Yakob, tindim hen a ven; ingin ka iti Yam gbem sha won je ne, ka sha i je á umbur Mo sha ikov ikov ye.

Yesaia 12:1

Sha iyange la ú kaa wer: Me wuese We, TERE, gadia shin er U yugh a mo, nahan kpaa iyugh You kar kera, man U ngu surun mo ishima.

Yesaia 26:20

Va nen, ior Av, nyôr nen ken ayou a en, wuhe nen ihinda kera cii, yer nen kpeghee, zan zan iyugh i̱ kar kera.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Mateu 5:4

Saan mba ve zungu la iyol, gadia á sur ve asema.

2 Mbakorinte 4:17

Gadia ancan u peesa u sha anshighe kpeghee ne ngu sôron se a sôr iengem i tsôron i vesen i ganden cii.

Mpase U Yohane 22:1

Tsô a tesem ifi u mngerem ma umam, lu wang er krusetalu nahan, lu duen ken ikônough ki torough ki Aôndo man ki waniyôngo la.

Mpase U Yohane 22:17

Jijingi man kwasehe mba kaan er: Va! Or u nan lu ungwan kpaa nana̱ kaa er: Va! Or u imura i ker nan yô, nana̱ va. Or u i sar nan kpaa, nana̱ va, nana̱ va ngohol mngerem ma umam gbilin.