Upasalmi 3:3 - ICIGHAN BIBILO

³ Kpa We TERE, U ngum perutya u yisan mo, man icivir yam, man shi ka We U kenden mo ityough sha kpaa ye.

Upasalmi 3:3 Iomraidhean Croise

Genese 15:1

Ken masetyô u akaa ne yô, mkaanem ma TER va hen Aberam sha mpase u sha mnenge er: De cie ga Aberam, Mo M ngu u perutya, injar you kpaa ia vese kpishi.

Genese 40:13

Ayange atar a lu a kar ga tsô Farao una kende u ityough sha una hide a we ken tom wou; shi ú naan Farao iyongo na sha uwegh nagh er zum u, u lu ortoonkwaghman na la nahan.

2 Utor 18:30

shi de rumun nen ner, Hesekia a̱ gema ne, ne suur sha TER ga, er a kaan er: TER Una yima se kpee je, á na gar ne sha ikev i tor u Ashiria ga la.

2 Utor 18:32

zan zan me va kua a ven me za a ven tar ugen u u lu er tar wen nahan, tar u uyia man zar u wain, tar u ruam man u ishule i ikon i wain, tar u ikon i olev kua iyough, sha er ne̱ lu uma, ne̱ kpe ga yô, de veren nen ato sha Hesekia ga, gadia ngu nôngon u geman ne sha u a kaa er, TER Una yima se yô.

2 Utor 25:27

Tsô sha inyom i sha ikundugber kar utaankaruhar i Yehoyakin tor u Yuda lu ken kwar la, uwer u sha pue kar uhar, ayange a u ikundu kar utaankaruhar la, Evil-merodaki, tor u Babilon, sha inyom i a ya tor la, a kende a Yehoyakin tor u Yuda sha, a dugh un ken gaadi,

Upasalmi 110:7

Una ma mngerem shin uwagh u hen gbenda, ka nahan man Una kende ityough sha ye.

Upasalmi 119:114

We U ngu ijiir yam i yeren, man perutya wam kpaa, m ngu veren ishima keghen mkaanem Ou.

Upasalmi 18:2

TER ka vande wam man garutya wam, man Oryiman wam kpaa, ka Aôndo wam, vande wam u taver, ka sha a Na me suur ye, ka perutya wam man korough ku myom wam, man barwoogh wam kpaa.

Upasalmi 27:6

Hegen kpaa, kendem ityough sha, sha mbaihomov av mba ve kasem yô; man me na nagh a iember ken tenti Na, me wa icam, een, me wa atsam a wuese TER.

Upasalmi 28:7

TER ka agee am je, man perutya wam kpaa, ishima yam suur sha a Na, m zough a iwasen, nahan yô, ishima yam ngi ember tsung; ka sha icam yam kpaa me wuese Un ye.

Upasalmi 4:3

Fa nen, TER tsegha or u i doo Un a na la sha ci Na iyol Na. TER Una ungwa zum u me yila Un yô.

Upasalmi 62:7

Ka hen Aôndo man myem wam a lu, kua icivir yam kpaa ye. Vande u agee am, man ijiir yam i waren ker kpaa, ka hen Aôndo ve lu ye.

Upasalmi 84:11

Gadia TER Aôndo ka iyange man perutya kpaa; TER Una na mrumun u sha mhôôn man icivir; Una nyume mbazan jighilii la ma kwagh u dedoo ga.

Yesaia 45:25

Ka ken TER tsombor u Iserael cii ua zua a perapera, ua ta ihagh kpaa ye.

Yesaia 60:19

Iyange ia kera lu iwanger you atetan ga; shin mte u uwer kpaa una kera lu u iwanger you ga, kpa TER Una gema á lu iwanger you i tsôron man Aôndo wou kpaa Una lu icivir you.

Luka 2:32

ka iwanger i á pase i hen atôatyev, man ka iengem i nongo Wou Iserael kpaa.

Duteronomi 33:29

Saan we iyol Iserael, ka an nan lu er we nahan? ikurior i TER A yem i perutya u iwasen you, man sanker u mhembe wou; mbaihomov ou vea var u inya, we, ú ndyar sha ajiir a ve a taven.

Mpase U Yohane 21:11

lu a iengem i Aôndo je, iwanger na lu er ka iwen i injaa kpishi nahan, lu er iwen i yasepi i wanger er krusetalu nahan.

Mpase U Yohane 21:23

Kwagh gba gar la a iyange shin uwer sha u ve̱ ta ker ga, gadia iengem i Aôndo ngi wanger ker, Waniyôngo kpaa ka imenger na.