Upasalmi 28:9 - ICIGHAN BIBILO

⁹ Yima ior Ou, ver dyako Wou doo doo, koson ve kpaa, zeren kenden a ve sha gbem. Ka Pasalmi u Davidi

Upasalmi 28:9 Iomraidhean Croise

2 Samuel 21:3

Davidi kaa a Mbagibeon er: M̱ er a ven nana? Man ka nyi me er ve, me wam ne, sha er né ver dyako u TER doo doo?

2 Samuel 7:7

Sha ajiir a M lu zenden a Mbaiserael imôngo la cii, M shi ôr kwagh a ma kwe u Iserael u M ver u sha u u kura ior Av Iserael la, Mer: Ka nyi ne maam iyou i sha ikon i sedar ga, kpa?

1 Utor 8:51

gadia ka ior Ou je, ka dyako Wou kpaa u U due a mi ken tar u Igipiti, ken atô u usu u adum;

1 Utor 8:53

Gadia ken akuraior a sha won cii ka ve U tsegh ve ye, sha u ve̱ lu dyako Wou, er U kaa a Mose wanakiriki Wou zum u U due a uter asev ken Igipiti la nahan, Tere AÔNDO.

Esera 1:4

Hanma or u nan shi ken hanma ijiir i nan lu shir her la, ior mba hen ijiir i nan la, ve̱ wase nan sha azurfa man zenaria man ikav man uzendenya kua nagh ku nan sha ishima i dedoo sha ci u iyou i Aôndo i i lu ken Yerusalem la.

Upasalmi 14:7

Kpash! Myom u Iserael ma a dugh ken Shion ma a shi ve yôô! Zum u TER Una sôr mlu u ior Nav yô, shighe la Yakob una tsuwe amar man Iserael kpaa una ember!

Upasalmi 25:22

Aôndo, yima Iserael ken akaa a tseren un la cii. Ka Pasalmi u Davidi

Upasalmi 78:71

A tôô un henpe lu kuran ungômbaiyôngov mba lun a ônov, A va a na, er a̱ va koso nongo Na Yakob kua dyako Na Iserael.

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Yesaia 46:3

Ver ato her a Mo, we ya u Yakob, man asande a hen ya u Iserael a a shi her la, ne mba M tee ne, hii sha mmar wen je, mba M tee ne hii ken uya je;

Yesaia 63:9

Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.

Yeremia 10:16

Kpa kwar u Yakob ngu er mbi nahan ga; gadia Un ka Ormaan u akaa cii; Iserael ka nongo u u lu dyako Na je yô; TER u akum a Sha ka iti Na je la.

Yeremia 31:7

Gadia TER ngu kaan nahan er: Wa nen icam, ember nen Yakob, ember nen ikurior i i lu ityough ki akuraior yô; yôô nen, wuese nen, kaa nen ner: TER yima ior Nav, ka asande a Iserael a a shi her je la.

Mika 5:2

Kpa we Betelehem-efarata, er u lu kpeghee ken ikwe i Yuda, nahan kpaa ka ken a we or una duem, u una lu Orkurantar ken Iserael ye, mdugh Na hii tsuaa je sha ayange a ngise ngise la.

Mika 5:4

Tsô Una tile, Una koso ikumuile Na ken agee a TER, sha icivir i iti i TER, Aôndo Na; vea tema bem bem, gadia hegen Una hemba zan zan á za ar sha akighir a tar je.

Mika 7:14

Kura ior Ou sha gbough Ough, ikumuile i dyako Wou, mba ve tem tseke ve, ken ikô ker atô u Karmel; de, ve̱ yaan toho ken Bashan man Gileadi er sha ayange a tsuaa la nahan.

Mateu 2:6

We, Betelehem, tar u Yuda, mayange je u lu u gban ijime ken mbahemenev mba Yuda ga; gadia ka ken we je man Orhemen Una due, u Una kuran nongoior Wan Iserael ye.

Mbaefese 1:18

shi A̱ wanger ne ashe a asema a en sha u né fa er ishimaverenkeghen i myer u A yila ne la i lu yô, man shi er iengem i ngeen yum i dyako Na u ken uicighanmbaiorov i lu yô,

Duteronomi 1:31

kua ken desereti kpaa, henpe u nenge er TER, Aôndo wou, A tôô u sha, er or ka nan tôô wan u nan nahan, sha igbenda i ne lu karen la cii zan zan ne va ar hen ijiir ne.

Duteronomi 32:9

Gadia kwar u TER ka ior Nav je; Yakob ka kwar u dyako Na.

Duteronomi 9:26

Tsô m sôn TER, m kaa mer: TER Aôndo, de timin ior Ou, dyako Wou, u U paa un sha mhembe Wou, u U due a na ken tar u Igipiti sha uwegh ku ageegh la, ga.

Duteronomi 9:29

Man ve ka ior Ou je man dyako Wou kpaa u U dugh a na sha agee Ou a hemban man sha uwegh ku naregh yô.