Upasalmi 28:7 - ICIGHAN BIBILO

⁷ TER ka agee am je, man perutya wam kpaa, ishima yam suur sha a Na, m zough a iwasen, nahan yô, ishima yam ngi ember tsung; ka sha icam yam kpaa me wuese Un ye.

Upasalmi 28:7 Iomraidhean Croise

Genese 15:1

Ken masetyô u akaa ne yô, mkaanem ma TER va hen Aberam sha mpase u sha mnenge er: De cie ga Aberam, Mo M ngu u perutya, injar you kpaa ia vese kpishi.

Upasalmi 13:5

Kpa mo yô, m suur sha erdoo Wou; ishima yam ia ember myom Wou.

Upasalmi 13:6

Me wa icam i wuese TER, gadia A er a mo doo kpishi je.

Upasalmi 19:14

Akaaôron a ken zwa wam man mhen wam u ken ishima, ve̱ lu kwagh u kuman We ishima, TERE, Vande wam man Orpaan wam.

Upasalmi 21:1

TERE, tor ngu ember agee Ou, man sha m-ember u myom Wou je yô, á kpen lun nan je!

Upasalmi 22:4

Uter asev lu suur sha a We; ve suur, nahan U yima ve je;

Upasalmi 28:8

TER ka agee a ve je, ka Un A lu garutya u sha myom, sha ci u un u A shigh un mkurem la ye.

Upasalmi 3:3

Kpa We TERE, U ngum perutya u yisan mo, man icivir yam, man shi ka We U kenden mo ityough sha kpaa ye.

Upasalmi 3:4

Ka m yila TER sha ikenge, A ungwa imo yam sha icighanwo Na kpaa. Sela.

Upasalmi 33:21

Gadia ka ken a Na ishima yase i ember ye, ka sha icighanti Na se suur ye.

Upasalmi 37:39

Kpa myom u mbaperapera yô, due hen TER je, ka Un A lu garutya ve sha iyange i mzeyol ye.

Upasalmi 40:3

A na, m dugh icam i he, ka icam i wuese Aôndo wase je la. Ior kpishi vea nenge, vea cia, vea suur sha TER.

Upasalmi 43:2

Gadia ka We, U lu Aôndo u m yeren ken a We; ka nyi U gbihimi? Ka nyi m zenden a mzungu sha ci u mkighir u mbaihomovo?

Upasalmi 46:1

Aôndo ka ijiir yase i waren ker man agee ase kpaa, ka iwasen i i lu ikua ikua ken ican je.

Upasalmi 46:2

Ka nahan man se cie ga ye, shin tar ua tenger kpaa, shin iwo ia môgh, ia za gba shin atô u zegemnger kpaa;

Upasalmi 69:30

Me wuese iti i Aôndo sha icam, me civir Un sha ishughun.

Upasalmi 84:11

Gadia TER Aôndo ka iyange man perutya kpaa; TER Una na mrumun u sha mhôôn man icivir; Una nyume mbazan jighilii la ma kwagh u dedoo ga.

Upasalmi 91:4

Una cir u sha akper a Na, ka ken atô u akper a Na je, ú yer ye; mimi Na ka perutya man akuvautya.

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 45:24

Ka ken TER tseegh, kape á ôr kwagh sha a Mo la er, perapera kua agee a lu ye; ka her a Na je ior vea va ye; kpa mba asema a vihi ve a Na cii, kunya ua kôr ve.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Mbaefese 6:10

Kwagh ugen yô, taver nen ken Ter sha tahav mbu agee a Na.

Mpase U Yohane 15:3

Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,