Upasalmi 28:5 - ICIGHAN BIBILO

⁵ Sha ci u ve we iko sha ityom i TER man sha aeren a ave Na ga yô, Una hembe ve kera, Una kera maa ve ga.

Upasalmi 28:5 Iomraidhean Croise

2 Samuel 7:13

Ka un una maa iyou sha ci u iti Yam ye, Mo kpaa Me ver ikônough nagh ki torough kia lu gbem.

2 Samuel 7:27

Gadia We TER u akum a Sha, Aôndo u Iserael, U pase wanakiriki Wou Wer, Me maa u ya, ka nahan man wanakiriki Wou a sen U kwagh ne vangertiôr ye.

1 Utor 11:38

Man aluer wea ver ato sha kwagh u Me wa u cii, wea zenden sha igbenda Yam, wea eren kwagh u lun vough sha ashe Am ú waan akaawan a Am man atindi a Am iko er Davidi wanakiriki Wam lu eren nahan yô, Me lu a we, Me maa u icôronya, er lu M maa Davidi nahan, Me gema Iserael Me na u.

Upasalmi 10:5

Igbenda na cii ngi lagh un gbem; ajiraôron a Ou nga sha je, a gba ca a nan; mbaahendanev nav cii kpaa, a ta ve ahenge.

Upasalmi 104:24

Kpash! TERE, ityom You ngi atô kposo kposo, U er i cii sha kwaghfan, tar iv a akaa a U gbe la.

Upasalmi 8:3

Er m veren ishima sha akaa a sha aôndo a a lu tôm u ahôaveegh Ou, ka uwer man asan a U ver a yô,

Yesaia 22:11

ne time ijiir i ombon mngerem her atô u ugilgar uhar sha ci u mngerem ma Ityungu u Tse la; kpa ne ver ishima sha Un u A er kwagh ne ga, man Un u A ver kwagh ne ngise ngise la kpaa, ne wa Un iko ga.

Yesaia 40:26

Kende nen ashe a en sha, nenge nen: ka an nan gbe akaa ne, nan dugh a akum a ve sha iyenge ve, nan yer a cii sha ati ati? Sha mvese u agee a Na man sha ci u mtaver u tahav Nav, mô môm u lun ga ngu ga.

Yesaia 45:12

Ka Mo je M er tar ye, M gba or, M ver nan sha u kpaa; ka ave Am je, a samber Usha, akum a ve la cii kpaa, M wa a atindi.

Yesaia 45:18

Gadia kape TER A kaa ne, Un u A gbe Usha—ka Un man A lu Aôndo ye—u A maa tar man A er u kpaa la, ka Un A ver u ye; A gba u er u̱ lu gbilin dang ga, A maa u sha er ior ve̱ tema sha u: Ka Mo M lu TER ye, mô ugen ngu ga.

Yesaia 45:8

Ne usha, haa nen aber shin inya, abeen kpaa A̱ nôô perapera shin inya, tar u̱ bugh, myom a̱ due, perapera a̱ mende nongo; gadia ka Mo TER M gbe u ye.

Yesaia 5:12

Ve mba a adiguve man molo man genga man imar kua wain hen uiniongo vev la, kpa aeren a TER yô, ve wa a iko ga, man tom u ave Na kpaa mba nengen a mi ga.

Yeremia 31:4

Me shi Me maa u, tsô ú lu her, we iniunkwase u Iserael; á shi á er u hwe sha anigingav ou, tsô ú due, ú za vine amar a mba ve numbu sar sar la.

Hosea 14:9

Or u nan lu a kwaghfan yô, nana̱ ver ase ikav sha akaa ne; u nan lu a mfe yô, nana̱ fa a, gadia igbenda i TER ngi jighilii je, mbaperapera mba zenden sha i; kpa mbaperenatindi yô, mba nenge gbev sha i.

Numeri 23:23

Mimi je, ma ishor i kpehen i ia kôr Yakob ngi ga, ma ahir a eren a aa er Iserael kwagh kpaa, nga ga. Hegen yô, á pase sha Yakob man Iserael kwagh u Aôndo A er yô:

YOHANE 12:37

Kpa shin er A er uivande kpishi sha ishiv vev, nahan kpaa ve na Un jighjigh ga,

Mbaromanu 1:20

Hii sha igbetar je mba nengen a mlu Na u i nengen a mi sha ashe ga la, inja na yô, ka agee a Na a tsôron man mlu Na u sha inja i Aôndo la, mba nengen a mi sha ashe a ishima ken aeren a Na. Nahan mba a ityôkwagh i ishôôgh ga,

Mbaromanu 1:28

Er i kera doo ve u rumun Aôndo ga yô, Aôndo gbihi ve ken mhen u a lu u injaagh ga yô, man u eren akaa a lun sha mi ga kpaa.