Upasalmi 27:13 - ICIGHAN BIBILO

¹³ M na jighjigh mer me nenge mdoom ma TER ken tar u mbaumav.

Upasalmi 27:13 Iomraidhean Croise

Yobu 28:13

Or fa inja na ga; mba zough a mi ken tar u mbaumav kpaa ga.

Yobu 33:30

sha u hiden a uma u nan shin ihungwa kera, sha er iwanger i uma i̱ taan nan iyol yô.

Upasalmi 142:5

M yila U TERE, m kaa mer: Ka We U lu ijiir yam i waren, kua kwar wam u ken tar u mbaumav kpaa ye.

Upasalmi 142:6

Wa iko sha mliam am, gadia m ngu seelee; yimam sha ikev i mbatôvon mo a ican, gadia ve hembam agee.

Upasalmi 31:19

Kpash! Mdoon Ou vese je, ma U ver sha ci u mba ve cie U la, ma U ser sha ci u mba ve suur sha a We, sha ishigh ki ônov mba iorov yô!

Upasalmi 42:5

Ishima yam, ka nyi u lu zuduu, man ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa.

Upasalmi 52:5

Kpa Aôndo Una yôhôl we kera gbem; Una tôô u kera, Una due a we ken ityumbe you kera, Una wuhe u ken tar u mbaumav kera. Sela.

Upasalmi 56:13

Gadia U yima uma wam sha ku; U yima angahar am sha gbev mbu nôngon, sha er m̱ zenden sha ishigh ki Aôndo ken iwanger i uma yô. Ngun ka sha ci u orhemen u mbawanatsam; i ver un sha ikenge i: De timin ga. Ka icam i Davidi dugh zum u a yevese Saulu a yem ken barwo la

Upasalmi 56:3

Sha iyange i mciem maa tserem yô, me suur sha a We,

Yesaia 38:11

M kaa mer: Me kera nenge a TER, TER ken tar u mbaumav la ga Me kera nenge a or hen mba ve tem ken tar la ga.

Yesaia 38:19

Or u uma, or u uma, ka nan je nana wuese We ye, er mo m eren nyian nahan; ter ka a tese ônov nav jighjigh Wou.

Yeremia 11:19

Kpa mo m lu er waniyôngo u sulan or yô, u i ze a mi hen ijiir i sôngon un yô; m kera fa er ve we kwaghbo ishima a mo nahan ga, er: Sé tim nen kon kua atam a u, man shi sé paa un sha tar u mbaumav kera, i̱ de kera umbur iti na ga.

Esekiel 26:20

sha shighe la Me hungwa a we a mba ve hongo shin ihungwa la imôngo, hen ior mba tsuaa la, Me na u ú tema ken ajiir a zan kweng a taregh la, ken udeserti mba ve vande lun gbem la, a mba ve hungwa shin ihungwa la imôngo, sha u i̱ de kera shi teman ken a we ga, man ú kera kôndo ú tema sha tar u mbaumav ga;

2 Mbakorinte 4:1

Nahan yô, er se lu a tom ne sha mhôônom ma i zungu se la yô, asema kera nga yinan se ga.

2 Mbakorinte 4:16

Nahan yô, asema kera nga yinan se ga; shin er or wase u ken won ne lu vihin kera kpaa, or wase u kimi ne mba gem un hegh ayange ayange.

Mbaefese 2:8

Gadia ka sha mrumun u sha mhôôn i yima ne ye, sha jighjigh u nan. Man kwagh ne yô, ka her a ven a dugh ga, ka iwua i Aôndo.