Upasalmi 25:3 - ICIGHAN BIBILO

³ Een, ve cii mba ve veren ashe We yô, vea va ahenge ga; mba ve eren akaa sha icugh sha ityôikaa ga yô, ka ve je vea va ahenge ye.

Upasalmi 25:3 Iomraidhean Croise

Genese 49:13

Sebulon una tema hen kpezegemnger, una lu hen ihongo i utso; ikighir na ia ar sha Shidon.

1 Kroniku 10:13

Kape Saulu kpe sha ci u kwaghbo u a er TER la, man sha ci u a wa imo i TER iko ga, man sha ci u a pine jijingi u orkpen kwagh,

Upasalmi 109:3

Ve toor a mo cam ce cam sha akaaôron a sha ihom, ve gba nôngon num a mo sha ityôikaa ga.

Upasalmi 119:78

Kunya u̱ kôr mbagengeseyol, gadia ve nzughul a mo sha aie, kpa mo yô, me hen kwagh u uiniezwa Ou ken ishima.

Upasalmi 123:2

Nenge, er ashe a mbashiren nga a lu sha uwegh ku uter vev nahan, man er ashe a wanyekwase nga a lu sha uwegh ku ngô na nahan kape ashe ase kpaa a nengen sha TER, Aôndo wase je la, zan zan Una zungwe se mhôônom.

Upasalmi 132:18

Me cir mbaihomov nav kunya iyol, Kpa un yô, idyer na i tor ia engem sha a na. Ka icam i zan iniongo. Ka i Davidi

Upasalmi 22:6

Kpa mo m ngu anyigôô, m ngu or ga; m ngu kwagh u ndôhôrshima hen ior, m ngu kwagh u lahan hen ikurior ne.

Upasalmi 27:14

Kegh TER, lu dông, ishima you i̱ taver; een, kegh TER. Ka Pasalmi u Davidi

Upasalmi 31:17

TERE, de deen Wer m̱ va ahenge ga, gadia m yila U. Mbaaferev ve̱ va ahenge, ve̱ cir ijô shin Sheol.

Upasalmi 31:18

Ityumbujôôgh i aiegh i̱ huan, i mba ve teren mbaperapera sha dang a iyolgengese man ilyaha.

Upasalmi 33:20

Uma wase ngu keghen TER, ka Un A lu iwasen yase man perutya wase kpaa ye.

Upasalmi 35:26

Ve̱ va ahenge, kunya u̱ kôr ve, ve mba ve ember sha ican i eren mo la; kunya u̱ cir ve man iheen, ve mba ve pende kwagh a mo la.

Upasalmi 37:34

Ver ashe hen TER, wa iko sha gbenda Na, tsô Una kende u sha, ú ya dyako u tar, ú nenge mtim u á tim mbaaferev kera yô.

Upasalmi 6:10

Mbaihomov av cii vea va ahenge, á kondo ve iyol tsung kpaa, vea va ahenge vea hide ijime fese je.

Upasalmi 62:1

Ka her Aôndo tseegh uma wam a veren ashe ving ye; ka hen a Na myem wam a dugh ye.

Upasalmi 62:5

Ka her Aôndo tseegh ú ver ashe ving ye, we uma wam, gadia ka hen a Na man ishimaverenkeghen yam i lu ye.

Upasalmi 69:4

Mba ve kerem ihom sha ityôikaa ga yô, ve hemba ngeen a ice yam i sha ityo; mbaihomov av mba icughuv, mba i lu ve ka timin mo kera yô, ve taver; nahan m gba kimbin kwagh u m vande ngohol un ga tsô.

Upasalmi 69:6

De deen mba ve veren ashe sha a We, kunya u̱ kôron ve sha ci wam ga, Tere AÔNDO u akum a Sha; de deen mba ve keren We, ve̱ zua a iheen sha ci wam ga, Aôndo u Iserael!

Upasalmi 71:13

Mba ve hendan a uma wam cii, ve̱ va ahenge, ve̱ saa ishe; man mba ve keren mo a ican kpaa ilyahan man kunya u̱ cir ve iyol.

Yesaia 25:9

Tsô sha iyange la, á kaa er: Nenge, ngun ka Aôndo wase u se lu veren ashe Na ser, A̱ va yima se je ne; ka TER je u se lu veren ashe Na; sé lu nen saan saan, sé ember nen myom Na.

Yesaia 40:31

nahan kpaa, mba ve veren ashe sha TER yô, vea hide a agee a ve her; vea kôndo sha sha akper er ugafa nahan; vea yevese, kpa vea vôr ga; vea zende, kpa iyol ia kpe ve ga.

Yesaia 49:23

Utor vea lu uter ou mba kuran we, man ashagba a ukase a ve vea lu ungô mba koson we; vea gule u sha ishi, vea kuma ishiv vev inya, vea ndiar ihundu i shin angahar a ou; tsô ú fa er M lu TER, mba ve veren ashe Mo vea va ahenge ga ye.

Yeremia 20:11

Kpa TER ngu a mo er orageegh u cier iyol; nahan yô, mba ve tevem a ican vea nôngo gbev, vea hemba ga; vea va ahenge tsung je, sha ci u ikôr doo ve ga, ka kunya u gbem sha won je, u ua hungul mayange ga yô.

Ukwelegh 3:25

TER eren dedoo a mba ve veren ishima sha a Na, a uma u a keren Un la.

Mika 7:7

Kpa mo yô, me ver ashe hen TER, me kegh Aôndo u myom wam; Aôndo wam kpaa Una ungwam.

YOHANE 15:25

Kpa i er kwagh ne sha er kwagh u i nger ken atindi a ve la, a̱ kure sha mi vough er: Ve kôrom ihom lu sha ityôikaa ga.

Mbaromanu 8:25

Kpa aluer se mba a ishimaverenkeghen sha kwagh u se nenge a mi ga la yô, ka sha ishima i wan je se kegh un ye.