Upasalmi 24:4 - ICIGHAN BIBILO

⁴ Ka u nan lu a ave a wang je, man ishima i mimi kpaa la; shi nan veren ishima i nan sha gbilinkwagh ga, man nan bumun sha icugh kpaa ga yô.

Upasalmi 24:4 Iomraidhean Croise

Genese 6:5

Er TER nenge isholibo i or kehe sha won, man hanma mhen u ishima i nan kpaa lu u bo tseegh gbem yô,

Yobu 17:9

Kpa orperapera nana taver ishima sha gbenda u nan, u nan lu ave wang kpaa, nana seer taver a taver.

Yobu 9:30

Aluer mea ee iyol yam sha senou, man mea kile ave am sha mtse kpaa,

Upasalmi 143:8

Erem m̱ ungwa erdoo Wou pepe, gadia ka sha a We m suur ye. Tesem gbenda u me za yô, gadia ka sha a We m veren ishima ye.

Upasalmi 15:4

sha mnenge u nan yô, dangor ka nan kwagh u lahan je; kpa nan ngu civir mba ve cie TER. Ka nana bum yô, shin a hingir u kwagh á va tser nan kpaa, nan gema kposo ga;

Upasalmi 18:20

TER er a mo vough sha mlu wam u perapera, A nam injar sha mwanger u ave am;

Upasalmi 25:1

TERE, ka sha a We m veren ishima ye.

Upasalmi 26:6

Me nyian ishô iyol; ka nahan man me ningir sha atse a Ou a nanden nagh sha mi ye, TERE;

Upasalmi 51:10

Gba ishima i wang ken a mo, Aôndo, shi ver jijingi u he u taver ken a mo.

Upasalmi 51:12

Hidem a iember i myom Wou her, suwem, m̱ lu a jijingi u vangertiôr.

Upasalmi 73:1

Mimi je, Aôndo eren dedoo a Iserael, a mba ve lu a asema a wang yô.

Anzaakaa 20:9

Ka anti nana fatyô u kaan er, m wanger ishima yam, m ngu wang, i wanger isholibo yam kera?

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Yeremia 5:2

Shin vea kaa er: Er TER A lu u uma ne, nahan kpa mba bumun sha aie.

Esekiel 18:15

man a ye kwagh sha iwo ga, a kenden ashe sha akombo a ya u Iserael la kpaa ga, a vihi kwase u or u wan ndor a na ga,

Esekiel 18:6

nana ya kwagh sha iwo ga, nana kende ashe sha akombo a ya u Iserael kpaa ga, nana vihi kwase u or u wan ndor a nan ga, man nana va ikua a kwase hen shighe u a dugh won kpaa ga,

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Mateu 5:8

Saan mba ve lu asema wang la iyol, gadia vea nenge a Aôndo.

Aerenakaa A Mbaapostoli 14:15

kaan er: Ne ior mban, ka nyi ne eren nahana? Se kpaa se mba di ior tsô, inja i iyolough er ne nahan man se va ôr ne Loho u Dedoo sha u undu nen akaa a gbilinigh ne, gema nen ishima hen Aôndo u uma, Un u A er Sha man tar man zegemnger kua akaa a a lu ken ve cii;

Aerenakaa A Mbaapostoli 15:9

Man A pav se a ve kposo ga, ngu wanger asema a ve sha jighjigh u nan.

2 Mbakorinte 7:1

Nahan yô, ne mbadoon mo ishima, er se lu a uityendezwa mban yô, se wanger nen ayol a ase sha hanma kwagh u hôngorough u ken iyol kua ken jijingi cii, se sôr nen mtsegh wase, a̱ hingir vough sha mcie u cian Ter la.

Duteronomi 4:19

man shi sha er u̱ de kera kenden ashe sha man zum u ú nenge iyange man uwer man asan, akum a sha la cii, ú rumun wer a̱ urugh we zan zan ú gure ú civir a ga; ka akaa a TER, Aôndo wou, A kar kwar a mi A ne akuraior a a lu sha won cii yô.

1 Timoteu 1:10

man mbaerenidya man mbayaven a nomso man mbaiin ior yemen a mi, man mbaerenaie, man mbabumun sha aie, man shi mbaeren hanma kwagh ugen cii u alu sha ityesen i dedoo la ga yô.

1 Timoteu 2:8

Nahan yô, sarem pe nomso ve̱ eren msen sha hanma ijiir, ve̱ kenden ave a wang sha, i̱ de lu sha ishima i vihin ga, ayôôso kpaa ga.

Yakobu 4:8

Kporom nen hen Aôndo, Un kpaa, Una kporom her a ven. Wanger nen ave a en, ne mbaasorabo, man shi kile nen asema a en, ne mba asema a lu ne ahar ne.

Mpase U Yohane 21:27

Ma kwagh u lun wang ga shin ma or u eren akaa a ndôhôr ishima shin u eren aie vea nyôr ker ga, saa mba i nger ve ken ruamabera u uma u Waniyôngo la vea nyôr ker ye.