Upasalmi 24:2 - ICIGHAN BIBILO

² Gadia ka Un je A tim u imagh sha zegemnger, man A ver u taveraa sha uikuwanmbamngerev kpaa ye.

Upasalmi 24:2 Iomraidhean Croise

Genese 8:22

Sha ayange a tar ua lu ne cii, shighe u lôôn iyiav man shighe u sundan, hir man iceenyolough, inyom man fam, atetan man tugh, vea bunden ga.

Yobu 38:4

Shighe u M tim imagh ki taregh la, u lu hana? Kaa ase, aluer wea lu a mkav sha mi yô.

Upasalmi 136:6

A samber tar sha mngerem ma kpishim, gadia erdoo Na ka u tsôron gbem sha won;

Upasalmi 33:6

Ka sha mkaanem ma TER i er Usha ye; shi ka sha iôôn i ken zwa Na i er akum a ve cii kpaa ye.

Upasalmi 89:12

Imbusutarimese man i yan kpaa, ka We U gba a ye; Tabor man Hermon mba ember ken iti You.

Upasalmi 93:1

TER tema tor, A haa icivir iyol; TER cir ikondo iyol, A wa agee iyol; tar taver dông, ua tenger ga.

Upasalmi 95:4

Ka sha ikev Na man ajiir a zan a shin tar a lu ye; ityouv mbi iwoov kpaa ka mbi Nav je.

Upasalmi 96:10

Kaa a akuraior wer: TER tema tor, tar kpaa u taver je, ua kera tenger ga. Una ôr akuraior ijir sha mimi.

Yeremia 5:22

Mo je kpaa ne ciam gaa? Kape TER A kaa ne. Ne kera gbidye ikarikase iyol sha ishigh Yagh gaa? Mo u M ver waarawa Mer, u̱ lu mkighir u zegemnger, sha tindi u tsôron u una kar un mayange ga yô; shin agôndo a na a va a taver kpaa, kpa nga a tahav mbu hemban je ga; shin er a te kume nahan kpaa, nga peren u ga.