Upasalmi 22:16 - ICIGHAN BIBILO

¹⁶ Gadia iwa kasem; mkohol u mbaaferev kpaa wam atô, ve kuma ave am ve pev a kua angahar am kpaa.

Upasalmi 22:16 Iomraidhean Croise

Upasalmi 22:1

Aôndo wam, Aôndo wam, ka nyi U undumu? Ka nyi U gbe ca a mo sha u wasen mo, man sha akaaôron am a sha mtoghor nahana?

Upasalmi 22:20

Yima uma wam sha ikev i sanker, ka u a lum môm tsô la, yima un sha ikev i iwa.

Upasalmi 38:11

Mbadoon mo ishima man akar a am mba nyaghen mo sha ci u uange; ityô yam kpaa tile ca.

Upasalmi 59:14

Shin vea hile aikighe, ve eren imo er iwa yô, ve zenden ve ningir ken gar,

Upasalmi 59:6

Ka ve hide aikighe, ve eren imo er iwa yô, ve zenden ve ningir ken gar.

Upasalmi 86:14

Aôndo, mbaihaghev mough num a mo, ikum i mbaaperav ngi keren mo a ku, ve ver U sha ishigh vegh ga.

Yesaia 53:5

Kpa i kuma Un sha ci u akaabo ase, i vihi Un iyol sha ci u aferakaa a ase; mtsaha u van se a bem la, gema lu sha a Na; ka sha igbidiv Nav man i wanger se ye.

Yeremia 12:6

Gadia anngôôv ou, man ya u teru je kpaa, ve je kpaa, ve ya zwa sha a we; ve je kpaa ve lu camber we ijime van ye; de ne ve jighjigh ga, shin vea ôr u akaa a doon nan nan kpaa.

Sekaria 12:10

Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

Mateu 26:57

Mba ve kôr Yesu la, ve yem a Na hen ya u Kayafa, zegepristi la, henpe mbangeren man mbatamen kohol la.

Mateu 27:35

Er i mande Un sha terankon kera yô, ve kar akondo a Na her ayol a ve, ve er ishor sha a.

Mateu 7:6

De ne nen iwa icighankwagh ga, man shi de gbihin nen igo utagbede enev sha ishi ga, sha u i̱ de ndyaren angahar sha mi, i̱ gema i̱ vihin ne iyol ga yô.

Marku 15:24

Tsô ve mande Un sha terankon, ve tôô akondo a na ve kar, ve gba eren ishor sha a, sha u fan kwagh u hanma or nana tôô yô.

Luka 23:23

Kpa ve gba taver imo a ishima i môm genger genger er, i̱ mande Un sha terankon; maa amo ve zever cii.

Luka 23:33

Mba za nôôr hen ijiir i i yer er Igbôndotyou la yô, ve mande Un sha terankon her, man mbaaferev mbala kpaa, u môm ken uwegh ku yanegh, u môm ken imese.

YOHANE 19:23

Tsô mbautyav mba manden Yesu kera yô, ve kura akondo Na, ve ver atihi anyiin, tihi môm sha ci u hanma orutya, kua riga u vesen kpaa. Riga la lu a ikoron ga, lu diem cii, tume shin inya.

YOHANE 19:34

Kpa u môm ken mbautyav mbala kuma Un iwange hen ihan; nahan awambe man mngerem due.

YOHANE 19:37

Shi icighanruamabera ugen kpaa kaa er: Vea nenge Un u ve kom Un la.

YOHANE 20:25

Tsô mbahenen mbagenev kaa a na er: Se nenge a Ter; kpa a kaa a ve er: Saa me nenge Un a ayol a ukusa la ken ave, man shi me za hôwe wam sha ajiir a ukusa, shi me za uwegh sha ihan Na me bende ga yô, mayange me na jighjigh ga.

YOHANE 20:27

Tsô A kaa a Toma er: Naregh hôwe heen, nenge ave Am, shi naregh uwegh bendem ken ihan, de kera lu or u banen a jighjigh u nan ga, kpa lu or u nan jighjigh.

Mbafilipi 3:2

Kura nen iyol sha kwagh u iwa, kura nen iyol sha kwagh u mbashirentom mba mimi ga la, kura nen sha kwagh u mbatôndon avav iyol ayol a ve la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.